व्यायामादरम्यान छातीत वेदना हृदयविकाराचा इशारा असू शकतो.
भोवळ येणं मेंदूला रक्तपुरवठा न मिळाल्याचे लक्षण आहे.
सामान्य क्षमतेपेक्षा जास्त दम लागणे धोक्याचे चिन्ह आहे.
व्यायाम करणं हे हृदय निरोगी ठेवण्यासाठी उत्तम आहे. पण कधी कधी शरीरावर येणारा ताण आधीपासून असलेल्या हृदयविकाराच्या समस्येसाठी कारणीभूत ठरू शकतो. हृदयविकाराचा झटका अचानकच येतो असं नाही, अनेकदा तो आधीच काही संकेत देतो. मात्र हे इशारे आपण नेहमीच्या थकव्याशी किंवा व्यायामाच्या ताणाशी जोडून दुर्लक्ष करतो.
तज्ज्ञांच्या म्हणण्यानुसार, अशा दुर्लक्षामुळे धोका वाढू शकतो. व्यायाम करताना दिसणारी ही पाच लक्षणं गंभीर असू शकतात आणि हृदयविकाराच्या झटक्याची पूर्वसूचना देऊ शकतात. ही लक्षणं काय आहेत ते जाणून घेऊया.
हार्ट अटॅकचं सर्वात सामन्यपणे दिसून येणारं लक्षण म्हणजे छातीत होणारी वेदना. व्यायाम किंवा चालताना अचानक छातीत दडपण, जडपणा, वेदना किंवा जळजळ जाणवली तर ती फक्त स्नायूंची वेदना किंवा अॅसिडिटी असेलच असं नाही. ही वेदना थोड्याच वेळाने हात, जबडा, मान किंवा पाठीपर्यंत पसरू शकते.
व्यायाम करताना चक्कर येणं, डोळ्यांसमोर अंधारी येणं किंवा अचानक शरीर अशक्त झाल्यासारखं वाटणं याकडे दुर्लक्ष करू नये. हे लक्षणं हृदयातून मेंदूकडे पुरेसा रक्तपुरवठा न झाल्याने दिसू शकतात. अशावेळी मळमळ, उलटी होणं किंवा बेशुद्ध पडण्याची शक्यता असते.
व्यायाम करताना श्वास लागणं स्वाभाविक आहे पण जर नेहमीच्या क्षमतेपेक्षा जास्त दम लागत असेल आणि श्वास घेताना त्रास होत असेल, तर ही गंभीर बाब आहे. विशेषतः थोड्या हालचालीवरच दम लागणं, चक्कर येणं किंवा तीव्र थकवा जाणवणं हे हृदय नीट रक्तपुरवठा करत नसल्याचं चिन्ह असू शकतं.
हृदयविकाराच्या झटक्याची वेदना नेहमी फक्त छातीतच नसते. व्यायामादरम्यान हात, खांदे, मान, जबडा किंवा वरच्या पाठीमध्ये होणारी अस्वस्थता हेही इशारे असतात. ही वेदना श्वास लागणे किंवा चक्कर येण्यासोबत असेल तर ती अधिक गंभीर मानली जाते.
व्यायाम करताना घाम येणं नैसर्गिक आहे. पण अचानक थंड घाम फुटणं, चिकट किंवा ओलसर घाम येणं, आणि त्यासोबत छातीत वेदना व मळमळ जाणवणं ही धोक्याची चिन्हं आहेत. हा घाम व्यायामाच्या ताणामुळे नव्हे तर धमन्यांमध्ये अडथळा आल्यामुळे शरीरात निर्माण झालेल्या तणावामुळे येतो.
व्यायामादरम्यान छातीत वेदना का गंभीर आहे?
ही वेदना हृदयविकाराचा झटका असू शकतो.
व्यायामादरम्यान भोवळ येण्याचे मुख्य कारण काय?
मेंदूला पुरेसा रक्तपुरवठा न मिळणे.
सामान्यापेक्षा जास्त दम लागण्याचा अर्थ काय?
हृदय रक्तपुरवठा करण्यात अपयशी ठरत आहे.
हृदयविकाराच्या झटक्याची वेदना कोठे पसरू शकते?
हात, जबडा, मान, खांदे किंवा पाठीमध्ये.
अचानक थंड घाम फुटणे का धोकादायक आहे?
धमन्यांमध्ये अडथळा झाल्याचे लक्षण आहे.
डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.