नवी मुंबई : सध्या आपल्या सर्वांचीच जीवन शैली पूर्णपणे बदलली आहे. रासायनिक घटकांचा वापर केलेले अन्न ग्रहण केले जात आहे. यामुळे मानवी आरोग्यावर याचा कोणत्या प्रकारे विपरीत परिणाम काय होईल याची शाश्वती नाही. अशाच प्रकारची घटना एका तरुणी बाबत घणसोली येथे घडली. परंतु डॉ.किरण वळवी यांनी आपला अनुभव व तात्काळ पुढील तपासण्या करून मूत्रपिंडात होत असलेला बिघाड दूर करून त्या तरुणीचे मूत्रपिंड वाचविले आहे. आयुशी चारी ही घणसोली मधील सर्वसामान्य घरातील कन्या. हिला १९ ऑक्टोबर रोजी उलट्या व जुलाब होतात. म्हणून घणसोली येथील एका खासगी रुग्णालयात दाखल केले.

हे देखील पहा :

औषध उपचार करूनही सर्वसामान्य वाटणारा आजार बरा होत नाही. म्हणून त्यांनी दुसऱ्या एखाद्या खासगी किंवा सरकारी रुग्णालयात दाखल करण्यास सांगितले. त्यावेळी आरुषी हिच्या कुटुंबानीही आपल्या मुलीचा आजार बरा व्हावा म्हणून सकारत्मकता दाखविली व पुढील उपचार घेण्यासाठी आरुषीला घणसोली येथील क्रेडेन्स केअर रुग्णालयात दाखल करण्यात आले. तिथे आल्यानंतर डॉ.किरण वळवी यांनी तिची तपासणी केली.

तसेच काही तपासण्या बरोबरच आरएफटी ही किडणीची तपासणी देखील वेळीच केली. आरएफटी तपासणी मध्ये मूत्रपिंडाचा क्रियाटीन रेट पाच इतका होता. अर्थात सर्वसामान्य रुग्णांचा क्रियाटीन रेट हा १.२ आसपास असावा लागतो. परंतु आरुषीच्या मूत्रपिंडात बिघाड होऊन क्रियाटीन रेट हा पाच पर्यंत पोहचला होता. परंतु डॉ.किरण वळवी यांच्या समयसुचकतेने वेळीच तपासणी व अनुभव कामाला लावल्याने वेळीच उपचार केले गेले. त्यानंतर तीन दिवसाने आयुशीचा क्रियाटिन रेट एकच्या आसपास आला आहे.

Edited By : Krushnarav Sathe