आजकाल धावपळीच्या जीवनात बदलत्या जीवनशैलीमुळे अनेक शरीराच्या समस्या उद्भवतात. यामुळे आपल्या आहाराकडे विशेष लक्ष देणे गरजेचे आहे. हाता-पायाला मुंग्या येणे ही सामान्य समस्या असली तरी आरोग्यासाठी घातक आहे. हाता पायांना मुंग्या येणे हाडांसंबंधित आजारांचे आणि मज्जातंतूंच्या नुकसानाचे लक्षण आहे. त्यामुळे हाता-पायाला वारंवार मुंग्या येत असल्यास त्वरित डॉक्टरांचा सल्ला घ्यावा.

हाता-पायाला मुंग्या येण्याची कारणे

• जास्त प्रमाणात मद्यपान केल्याने हाता-पायाला मुंग्या येतात.

• शरीरात व्हिटॅमिन डी, व्हिटॅमिन बी१२ ची कमतरता असल्यास हाता-पायाला मुंग्या येतात.

• मधुमेहाची समस्या असलेल्या लोकांनाही हाता-पायाला मुंग्या येतात.

व्हिटॅमिन डी चे स्तोत्र

• मशरूम : मशरूम मध्ये मोठ्या प्रमाणात व्हिटॅमिन डी असते. त्यामुळे आपल्या रोजच्या आहारात मशरूमचा समावेश करावा.

• कोवळे ऊन : रोज सकाळी कोवळ्या उन्हामध्ये धावायला जा. यामुळे शरीराला भरपूर प्रमाणात व्हिटॅमिन डी मिळते.

• सूर्यफूल तेल : सतत हातापायांना मुंग्या येत असल्यास रात्री झोपताना सूर्यफूलाच्या तेलाने मालिश करावे.

• संत्री : संत्र्याचा ज्यूस नियमित प्यायल्यास शरीराला व्हिटॅमिन डी मिळते. तसेच शरीर हायड्रेटही राहते. संत्र्याचा ज्यूस पिताना त्यात साखर टाकू नये.

• पालक : पालकमध्ये अँटीऑक्सिडंट्सचे प्रमाण जास्त असते. त्यामुळे रोज आहारात पालकच्या भाजीचा समावेश करावा. यामुळे आपली पचनक्रिया देखील सुरळीत होते.

व्हिटॅमिन बी१२ चे स्तोत्र

• अंड : अंड्यामध्ये भरपूर प्रमाणात व्हिटॅमिन बी१२ असते. त्यामुळे् दररोज २ अंडी खावी. हाडांच्या आरोग्यासाठी अंड्यातील पिवळ बल्क फायदेशीर आहे.

• केळ : केळ्यामध्ये पोटॅशियमचे प्रमाण चांगले असते. त्यामुळे नियमित केळी खाणे आरोग्यास फायदेशीर आहे.

• दही : दह्यामधील उपलब्ध घटकांमुळे शरीराला प्रोटीन आणि कॅल्शियम मिळते आणि हातापायाला मुंग्या येत नाही.

• टोफू : टोफूमध्ये प्रोटीन, आयर्न, कॅल्शियम मुबलक प्रमाणात असते. टोफूचे सॅलड रोज खावे. त्यामुळे स्नायूंचे आरोग्य चांगले राहते.

टीप : सदर लेख फक्त सामान्य माहितीसाठी आहे. अधिक तपशीलांसाठी डॉक्टरांशी संपर्क साधा.