आजकाल महिला, मुली व पुरूष केसांना कलर करतात. फॅशनच्या दुनियेत केसांना कलर करण्याचा ट्रेंड अनेकजण फॉलो करतात. एवढंच नाही तर वयस्कर व्यक्ती देखील केसांना कलर करतात. केस पांढरे होऊ नये म्हणून केसांना कलर करतात. केसांना कलर केल्याने सौंदर्य अधिकच खुलते. मात्र केसांना डाय केल्यामुळे किडनीवर परिणाम होण्याची शक्यता आहे. हेअर डायरमधील केमिकल्स हे आरोग्यासाठी घातक असल्याचं समोर आलं आहे.

चीनमधील एका २० वर्षीय तरूणीला केसांना कलर केल्यामुळे गंभीर त्रास झाला आहे. ही तरूणी वारंवार केसांना कलर करायची. आपले केस सेलिब्रिटीसारखे दिसावेत यासाठी ती नेहमी पार्लरमध्ये जायची केसांना कलर करायची. मात्र काही महिन्यांनी अचानक या मुलीच्या पायावर लाल चटा येऊ लागल्या, पोटात आणि सांध्यांमध्ये तीव्र वेदना होऊ लागल्या यामुळे तिला हॉस्पीटलमध्ये नेण्यात आले. डॉक्टरांनी तपासल्यानंतर तिला किडनीशी संबंधित आजार असल्याचे निदान झाले.

हेअर डायरमुळे किडनीवर गंभीर परिणाम होण्याची शक्यता आहे. हेअर डायरसाठी वापरण्यात जाणाऱ्या केमिकल्समुळे हा धोका वाढला आहे. डॉक्टरांनी दिलेल्या माहितीनुसार, वारंवारं केसांना कलर केल्याने शरीरात विषारी पदार्थ जमा होतात ज्यामुळे फुफ्फुसे आणि मूत्रपिंडांना त्रास होते यामुळे कर्करोगाचा धोका वाढू शकतो.

• हेअर डायमध्ये सॉल्व्हेंट हे रंगहीन द्रव असते.

• जेव्हा हे रसायन शरीरात प्रवेश करते तेव्हा शरीरातील द्रवपदार्थ अधिक दाट होतात.

• यामुळे किडनीच्या समस्या उद्भवू शकतात.

• प्रोपिलीन ग्लायकॉलमुळे किडनीच्या शिरांना सूज येऊ शकते.