Fitness Tips :

सकाळी उठणे, व्यायाम करणे, जिममध्ये तासनतास घाम गाळणे. फिटनेससाठी या गोष्टी आवश्यक आहे. बदललेल्या जीवनशैलीमुळे कामाच्या व्यापात आपण दिवसभर एकाच ठिकाणी बसून राहातो. ज्याचा आपल्या आरोग्यावर परिणाम होतो.

वाढत्या वजनाला नियंत्रणात ठेवण्यासाठी आपण जीम किंवा व्यायामचा पर्याय निवडतो. परंतु, आपण पहिल्यांदाच वर्कआउट केल्यानंतर आपल्या आरोग्यावर त्याचा परिणाम होतो. आपले स्नायू दुखू लागतात, शरीर थकल्यासारखे वाटते. यावेळी शरीरात असे अनेक बदल होतात ज्यामुळे आपल्या टेन्शन येते. जाणून घेऊया वर्कआउट केल्यानंतर शरीरात कोणते बदल होतात ते.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

1. थकवा येणे

मेडलाइन प्लसच्या मते, व्यायाम केल्यानंतर शरीरात थकवा जाणवणे ही सामान्य गोष्ट आहे. तसेच आपल्याला मानसिक (Mental-Health) आणि शारीरिक थकवा येतो. व्यायामामुळे स्नायूंचे आकुंचन वाढते. अशावेळी विश्रांती घेणे गरजेचे आहे.

2. भूक वाढणे

वर्कआउट (Workout) केल्यानंतर शरीराला घाम येऊ लागतो. शरीराला पुन्हा ऊर्जा प्राप्त करण्यासाठी आणि स्नायूंना निरोगी ठेवण्यासाठी आपल्याला योग्य वेळी खाणे गरजेचे आहे. यामध्ये तळलेले अन्नपदार्थ टाळा. तसेच सकस आहार घ्या.

3. स्नायू दुखणे

काही वेळ व्यायाम केल्यानंतर स्नायू ताणले जातात. संपूर्ण शरीर ताणल्यामुळे हातापासून पायांपर्यंत संपूर्ण शरीरात वेदना होतात. त्यामुळे शरीर अशक्त आणि थकवा जाणवू लागतो. वर्कआउट केल्यानंतर काही दिवस ही वेदना जाणवते.

4. सतत तहान लागणे

शरीराला डिहायड्रेशनपासून वाचवण्यासाठी पाणी (Water) जरुर प्या. यामुळे शरीरातील पाण्याची कमतरता दूर होईल. वर्कआउट केल्यानंतर घामामुळे घसा कोरडा होतो. पाणी प्यायल्यामुळे शरीरात ऊर्जा पुन्हा तयार होण्यास मदत होते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा