मुंबई : वाढते तापमान आणि उन्हाळा सुरू असल्यामुळे थंड आणि ताजे पेय घेणे आरोग्यासाठी सर्वात फायदेशीर ठरते. यातील अनेक पेये हेल्दी आणि हायड्रेट करण्यासाठी आपण पितो. पण असे पेय मधुमेहांच्या रुग्णांसाठी चांगले नसते. अशा पेयांमधे साखरेचे (Sugar) प्रमाण अधिक असल्यामुळे रक्तातली साखरेची पातळी वाढण्यास मदत होते. यामुळे मधुमेह असलेल्या लोकांना हायड्रेटेड ठेवणे कठीण होते.

हे देखील पहा -

मधुमेह असणाऱ्या रुग्ण उन्हाळ्यात डिहायड्रेशन टाळण्यासाठी कोणतेही पेय पिऊ शकत नाहीत. परंतु, आम्ही अशाच महत्त्वाच्या पेयांबद्दल सांगणार आहोत, ज्यामध्ये साखरेचे प्रमाण कमी असेल आणि उन्हाळ्यात डिहायड्रेशनपासूनही आपले संरक्षणही होईल.

मधुमेहाच्या रुग्णांनी कोणत्या पेयाचा आपल्या आहारात समावेश करावा.

१. लस्सी -

लस्सी हे उन्हाळ्यातील थंडगार पेय आहे. उन्हाळ्यात मधुमेहाच्या (Diabetes) रुग्णांनी लस्सी प्यायल्यास डिहायड्रेशनपासून आराम मिळतो. त्यासाठी दही, पाणी (Water), काही बर्फाचे तुकडे आणि जिरे पावडर घ्या. ते सर्व एकत्रित मिसळा. याचा आस्वाद मधुमेही रूग्ण घेतल्यास रक्तातील साखरेची पातळी वाढणार नाही.

२. बेल सरबत-

बेल हे फायबर, लोह, अँटिऑक्सिडंट्स आणि फॉलिक अँसिडचे उत्तम स्रोत आहे. तसेच, बेलाचे सरबत प्यायल्यामुळे पोट थंड राहाते. मधुमेहापासून त्रस्त असणाऱ्या लोकांनी उन्हाळ्यात बेल सरबत प्यायल्यास खूप फायदेशीर ठरू शकते.

३. सत्तू -

सत्तू मधुमेहाच्या रुग्णांना हायड्रेटेड ठेवण्यासाठी मदत करते. यात कोणतेही कर्बोदके नसतात. सत्तू हा पदार्थ अनेक डाळींपासून बनवला जातो. थंड पाण्यात सत्तू, थोडे काळे मीठ आणि लिंबाचे काही थेंब पिळून उन्हाळ्यात या पेयाचा आनंद घेऊ शकता.

४. आले आणि लिंबू पेय-

आलं रक्तातील साखरेची पातळी नियंत्रित ठेवण्यास मदत करते, त्यामुळे मधुमेह असलेल्या रुग्णांसाठी हे उत्तम उन्हाळी पेय ठरु शकते. पाण्यात लिंबू आणि किसलेले आले घालून पेय बनवा आणि स्वतःला हायड्रेट ठेवा.

या पेयांचे सेवन करुन उन्हाळ्यात आपण डिहायड्रेशनपासून सुटका मिळवू शकतो.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी तज्ज्ञांशी संपर्क साधा.

Edited By - Komal Damudre