मुंबई : उंची कमी असो की, जास्त त्यामुळे भलेही आपल्या व्यक्तिमत्वावर फरक पडत नसला तरी, पण फॅशन ट्रेंड (Trend) फॉलो करताना आपण जर काही निष्काळजीपणा करत असाल तर त्यामुळे आपला लूक खराब होऊ शकतो. आम्ही आज काही फॅशन (Fashion) ट्रेंडबद्दल सांगणार आहोत. ज्यामुळे तुमची उंची अधिक चांगल्या प्रकारे दाखवू शकता आणि ट्रेंडही जपू शकता.

हे देखील पहा -

कमी उंचीच्या मुलींनी (Girls) कपडे, बॅग आणि शूज निवडण्यापूर्वी कोणत्या महत्त्वाच्या गोष्टी लक्षात ठेवल्या पाहिजेत हे जाणून घेऊया.

कमी उंचीच्या मुलींसाठी फॅशन टिप्स

१.राउंड टो हिल्सपासून दूर रहा -

चप्पल किंवा शूज निवडताना गोल टो हिल्स खरेदी करत असाल तर ते आपल्याला छान दिसतील पण आपले पाय लहान दिसू शकतात. अशावेळी आपली उंची कमी असेल तर गोल टो हिल्स असलेले शूज शक्यतो टाळावेत. पॉइंटेड टो हिल्स घालावे. स्टायलिश दिसण्यासोबतच तुमचे पायही लांब दिसतील.

२. मोठ्या आकाराची बॅग -

आपली उंची कमी असेल तर बॅग निवडताना काळजी घ्यावी. मोठ्या आकाराची बॅग बाळगली तर आपले शरीर लहान दिसू शकते. तसेच, मोठ्या आकाराची बॅग सध्या फॅशनमध्ये आहे. अशा बँगामध्ये आपण बर्‍याच गोष्टी सहजपणे कॅरी करू शकता. जर आपण अनेक वस्तू बॅगेत ठेवत असू तर मध्यम आकाराची बॅग निवडावी. यामुळे उंची कमी होणार नाही.

३.मोठ्या आकाराची सैल जीन्स

मोठ्या आकाराच्या जीन्स आवडत असेल तर आपली उंची कमी दिसेल. जरी ती आरामदायक आणि सुंदर लुक देत असली तरी ती घालणे शक्यतो टाळावे. जर उंची कमी असेल तर मोठ्या आकाराची जीन्स घालू नका. याला पर्याय म्हणून आपण हेवी जीन्स कॅरी करु शकतो. यामुळे पाय लांब दिसतील आणि एकंदर व्यक्तिमत्व सुधारेल

४. मिडी ड्रेस टाळा

कमी उंचीच्या मुलींना मिडी ड्रेस किंवा स्कर्ट घालायला आवडत असेल तर शक्यतो ते टाळावे. यामुळे उंची कमी दिसू शकते. स्कर्टसोबत टॉप किंवा शर्ट चांगला दिसत असला तरी कमी उंचीच्या मुलींनी मिडी लेन्थ स्कर्ट घातला तरी पाय खूपच छोटे दिसतात. जरी स्कर्ट आवडत असतील तर लहान किंवा लांब लांबीचे स्कर्ट घेऊ शकता. यामुळे पाय लांब दिसतील व उंचीही दिसेल.

अशाप्रकारे फॅशन ट्रेंड सांभाळून आकर्षक दिसू शकता.

Edited By - Komal Damudre