मुंबई : सध्या लग्नसराई सुरु असल्यामुळे किंवा आपल्या घरात काही कार्यक्रम असल्यावर आपण हातावर मेहंदी काढतो. अनेकांना आपल्या हातावर मेहंदी लावायाला खूप आवडते. तर काहीवेळा मेहंदीशिवाय महिलांचा मेकअप पूर्ण होत नाही. बहुतांश वेळा मेहंदीचा रंग अधिक गडद करण्यासाठी आपण कोणतीही कसर सोडत नाहीत. आपण अनेकदा मेहंदी लावताना काही सामान्य चुका करतो. त्यामुळे मेहंदीचा रंग चमकत नाही व ती लवकर निघून जाते. मेहंदीच्या डिझाईनपासून आपण तिची काळजी (Care) घेत असतो. पण कधीकधी मेहंदी लावताना अनवधानाने काही चुका झाल्यामुळे तुमच्या मेहंदीचा रंग फिका पडतो. त्यामुळे मेहंदी लावताना केलेली सगळी मेहनत वाहून जाते. अशावेळी, मेहंदी लावताना काही खास टिप्स (Tips) फॉलो करून तुम्ही मेहंदीला गडद आणि दीर्घकाळ टिकणारी बनवू शकता.

हे देखील पहा -

या चुका टाळून तुम्ही तुमच्या मेहंदीचा रंग अधिक गडद करु शकता.

१. लग्नासाठी किंवा कोणत्याही प्रसंगी मेहंदी लावताना ती एक किंवा दोन दिवसा आधी लावा. कारण मेहंदीला पूर्ण रंग येण्यासाठी किमान २४ ते ४८ तास लागतात. तसेच, हातावर मेंदी ५ ते ६ तासांपेक्षा जास्त ठेवू नका. असे केल्यास मेहंदी अधिक काळी होणार नाही.

२. बरेच लोक मेहंदी लावतात आणि ती तशीच सोडून देतात त्यामुळे मेहंदी सुकून ती पडते. त्यासाठी हाताला मेहंदी चिकटून राहण्यासाठी काही वेळ कापसाच्या मदतीने मेहंदीवर लिंबाचा रस आणि साखरेचे पाणी (Water) सतत लावत राहा. तसेच, मेहंदीचा रंग पूर्णपणे गडद करण्यासाठी हाताला लवंगाचा धूरही देऊ शकता.

३. मेहंदी सुकल्यानंतर ती हळूहळू काढून हात धुवा. मेहंदी काढल्यानंतर हातावर कोमट देशी तूप किंवा बाम लावल्यास मेहंदी बराच काळ टिकते. तसेच मेहंदी लावल्यानंतर त्या भागावर वॅक्सिंग करणे टाळा.

४. मेहंदी लावण्यापूर्वी त्वचा स्वच्छ धुवून त्यावर मॉइश्चरायझर लावणे आवश्यक आहे. त्यामुळे मेहंदीतील रसायनांचा परिणाम आपल्या त्वचेवर होणार नाही. तसेच मेहंदी अधिक काळ हातावर टिकवण्यासाठी साबणाचा वापर कमीत कमी करण्याचा प्रयत्न करा.

अशाप्रकारे तुम्ही मेहंदी अधिक काळ टिकवू शकता.

Edited By - Komal Damudre