मंगळवार हा श्री रामभक्त हनुमानजींना अर्पण केलेला दिवस मानला जातो. या दिवशी हनुमानजींची विशेष पूजा, व्रत आणि स्तोत्रपठण केल्याने आयुष्यातील अडथळे दूर होतात व सुख-समृद्धी वाढते. भक्त हनुमान चालीसाचे पठण करूनही प्रभु हनुमानांना प्रसन्न करतात. चला तर जाणून घेऊया, मंगळवारी कोणते उपाय केल्याने बजरंगबलीची विशेष कृपा मिळू शकते.

४० मंगळवार तुलशीच्या १०८ पानांची माळ अर्पण

तुलशीची १०८ पाने घेऊन प्रत्येक पानावर 'राम' नाव लिहा आणि ती माळ हनुमानजींना अर्पण करा. हा उपाय सलग ४० मंगळवार केल्यास हनुमानजी अत्यंत प्रसन्न होतात. यामुळे केवळ अडलेली कामं पूर्ण होत नाहीत, तर प्रभु श्रीरामांचा आशीर्वादही लाभतो. यामुळे घरात नेहमी आनंद आणि शांती नांदते.

हनुमानजींना बूंदीचा प्रसाद अर्पण

मंगळवारी हनुमान मंदिरात जाऊन बजरंगबलींना बुंदीचा प्रसाद अर्पण करा. हा प्रसाद लहान मुलांमध्ये वाटा. हा उपाय प्रत्येक मंगळवारी नियमित केल्यास आयुष्यातील नकारात्मक ऊर्जा नाहीशी होऊन सकारात्मकता वाढते.

बजरंगबलींना लाल जानवे चढवा

मंगळवारी पहाटे लवकर उठून स्नान करा आणि लाल किंवा केशरी वस्त्र परिधान करा. घरातील हनुमानजींची पूजा केल्यानंतर मंदिरात जाऊन बजरंगबलींना लाल जानवे अर्पण करा. या उपायाने जीवनातील अडथळे दूर होतात, अडकलेली कामे मार्गी लागतात आणि दुःखाचा अंत होतो.

मारुति स्तोत्राचं पठण

प्रत्येक मंगळवारी मारुति स्तोत्राचं पाठ करा. हे पठण सलग ४० मंगळवार केल्यास चिंता नाहीशा होतात आणि मनःशांती मिळते. हनुमानजींच्या आशीर्वादाने भय, दुःख आणि मानसिक ताण कमी होऊन करिअरमध्ये यशस्वी होण्याचे मार्ग खुलतात.

हनुमान गायत्री मंत्राचा जप

मंगळवारी "ॐ आञ्जनेयाय विद्महे, वायुपुत्राय धीमहि। तन्नो हनुमत् प्रचोदयात्।" हा हनुमान गायत्री मंत्र जपा. या मंत्रजपाने शुभ फळांची प्राप्ती होते, चिंता आणि तणाव दूर होतो, आत्मविश्वास वाढतो आणि यश मिळवण्याच्या संधी वाढतात.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)