मुंबई : आपल्या स्वयंपाकघरातील हा मसाला अतिशय सुगंधित व भारतात लोकप्रिय आहे. याचा वापर भारताशिवाय हे मध्य पूर्व, उत्तर मेक्सिकन, पश्चिम आफ्रिकन आणि उत्तर आफ्रिकन पाककृतींमध्ये देखील मोठ्या प्रमाणावर वापरले जाते.

हे देखील पहा -

जिऱ्याशिवाय जेवणाला चव नाही. याच्यामुळे जेवणातल्या अनेक फोडण्या या अपूर्ण आहेत. जिऱ्याला वास आणि चवी असते ज्या केवळ पदार्थांना चव देत नाहीत तर आरोग्यासाठी अनेक फायदे देखील देतात. तांबे, लोह, अँटीऑक्सिडंट्स, जीवनसत्त्व-ए, जीवनसत्त्व-क, जस्त आणि पोटॅशियमने समृद्ध जिरे आरोग्याशी (Health) संबंधित अनेक समस्यांवर मात करण्यासाठी वापरतात. याचा आपल्या आरोग्यावर कसा परिणाम होतो हे जाणून घ्या.

१. पोटदुखीच्या (Pain) समस्येवर जिरे हा एक चांगला उपाय आहे. जिऱ्यात असणारे घटक हे आपल्याला लाळ ग्रंथींना उत्तेजित करतात आणि अन्नाचे प्रभावी पचन करण्यास मदत करतात. अपचनाची समस्या झाल्यावर जिऱ्याचे पाणी हे सर्वात फायदेशीर घरगुती उपाय मानला जातो.

२. जिरे पचनास देखील मदत करते, आतड्याची हालचाल उत्तेजित करते आणि गॅस्ट्रिक समस्यांपासून आराम देते. आंबट ढेकर येणे, गॅस किंवा अपचन झाल्यास जिरे भाजून खाल्ल्यास आराम मिळतो.

३. मासिक पाळी दरम्यान वेदना होत असतील तर जिऱ्याचे सेवन करा. जिरे, अँटिस्पास्मोडिक आणि दाहक-विरोधी गुणधर्मांनी समृद्ध, वेदनापासून आराम देऊ शकतात.

४. नवीन मातांना आईचे दूध वाढवण्यात जिरे खूप मदत करते. जिरे भारतीय पाककृतीचा एक अविभाज्य भाग आहे. नुक्त्याच झालेल्या आईला दूध येण्यासाठी ते प्रभावी आहे. जिऱ्यामध्ये लोहाचे प्रमाण अधिक आहे त्यामुळे आई व बाळासाठी एक आवश्यक खनिज आहे.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre