नोकरीच्या शोधात असणाऱ्या तरुणांसाठी आनंदाची बातमी आहे. सेंट्रल इंडस्ट्रियल सिक्युरिटी फोर्स (CISF) हेड कॉन्स्टेबल (स्पोर्ट्स कोटा)मध्ये पदभरती सुरु झाली आहे. सरकारी खात्यात नोकरी करु इच्छिणाऱ्या तरुणांसाठी ही सुवर्णसंधी आहे.
अॅथलेटिक्स, बॉक्सिंग, बास्केटबॉल, फुटबॉल, जिम्नॅस्टिक, हँडबॉल, हॉकी, नेमबाजी, जलतरण, व्हॉलीबॉल, वेटलिफ्टिंग, कुस्ती, तायक्वांदो यांसारख्या स्पोर्ट कोटातून २१५ जागा रिक्त आहेत. अर्ज करण्यास इच्छुक आणि पात्र असणाऱ्या उमेदवार अधिकृत वेबसाइटला भेट देऊ शकतात. अर्ज कसा कराल जाणून घेऊया ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
स्पोर्ट (Sports) कोटाअंतर्गत हेड कॉन्स्टेबल (जनरल ड्युटी) या पदासाठी ऑनलाइन अर्जासाठी cisfrectt.cisf.gov.in या वेबसाइटला भेट देऊ शकता. अर्ज करण्याची शेवटची तारीख ही २८ नोव्हेंबर आहे.
1. रिक्त पदे - 215 जागा
2. पदाचे नाव - केंद्रीय औद्योगिक सुरक्षा दल (CISF)हेड कॉन्स्टेबल
3. शिक्षण (Education) पात्रता
उमेदवार हा १२ वी पासून असून तो स्पोर्ट कोट्यातून खेळणारा असावा. तसेच उमेदवाराने आंतरराष्ट्रीय स्तरावर भारताचे प्रतिनिधत्व केलेले असावे. त्याने कोणत्याही खेळात राष्ट्रीय स्तरातून पदक जिंकलेले असावे.
4. वयोमर्यादा आणि अर्ज शुल्क किती?
या पदांसाठी उमेदवाराचे वय (Age) हे १८ ते २३ वर्षांपर्यंत असावे.
तसेच OBC आणि EWS श्रेणीतील उमेदवारांसाठी अर्ज शुल्क 100 रुपये आहे, तर SC आणि ST श्रेणीतील उमेदवारांना अर्ज शुल्कातून सूट देण्यात आली आहे.
5. निवड प्रक्रिया कशी असेल?
ही निवड प्रक्रिया PST/PET द्वारे केली जाईल. यामध्ये लेखी परीक्षेसोबत वैद्यकीय तपासणी देखील केली जाईल.
6. अर्ज कसा कराल?
अर्ज प्रक्रिया करण्यासाठी cisfrectt.cisf.gov.in या वेबसाइटला भेट द्या.
नोंदणी केल्यानंतर उमेदवार लॉग इन करू शकतात आणि ऑनलाइन अर्ज भरू शकतात.
आवश्यक असणारी कागदपत्रे जोडून उमेदवारांना अर्ज शुल्क भरावे लागेल.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.