उद्या १४ नोव्हेंबर म्हणजे बाल दिवस. १४ नोव्हेंबर रोजी देशभरात बाल दिवस साजरा केला जातो. देशाचे पहिले पंतप्रधान पंडित जवाहरलाल नेहरु यांच्या जयंतीनिमित्त बालदिन साजरा केला जातो. पंडित जवाहरलाल नेहरु यांना लहान मुले खूप आवडायची. त्यामुळेच त्यांचा जन्मदिवस बालदिन म्हणून साजरा करतात. दरम्यान, १४ नोव्हेंबरलाच बाल दिवस का साजरा केला जातो? यामागचे कारण जाणून घ्या.

बाल दिवस कधी साजरा केला जातो?

दरवर्षी १४ नोव्हेंबर रोजी बाल दिवस साजरा केला जातो. पंडित जवाहरलाल नेहरु यांच्या आठवणीत बालदिन साजरा करतात.

बालदिन कधीपासून साजरा करतात?

भारताचे पहिले पंतप्रधान पंडित जवाहरलाल नेहरु यांच्या निधनानंतर १९६४ मध्ये १४ नोव्हेंबर हा दिवस बालदिन म्हणून घोषित केला.

पंडित जवाहरलाल नेहरुंना लहान मुले का आवडायची?

पंडित जवाहरलाल नेहरु हे लहान मुलांना देशाचे उज्जवल भविष्य मानायचे. ते लहान मुलांना शिक्षण घेण्यासाठी प्रेरित करायचे. त्यांच्या मते, मुले ही देवाघरची फुले असतात.

बाल दिवस साजरा करण्यामागचा उद्देश

बाल दिवस साजरा करण्यामागचा मुख्य उद्देश लहान मुलांना त्यांचे अधिकार, शिक्षण आणि विकाससाठी जागरुक करण असा आहे. शिक्षणासाठी लहान मुलांना प्रोत्साहन देणे, असा आहे.

पंडित जवाहरलाल नेहरु यांचा जन्म कधी झाला?

पंडित जवाहरलाल नेहरु यांचा जन्म १४ नोव्हेंबर १८८९ रोजी इलाहाबाद (आताचे प्रयागराज)उत्तर प्रदेश येथे झाला.

लहान मुले पंडित जवाहरलाल नेहरु यांना काय म्हणतात?

लहान मुले पंडित जवाहरलाल नेहरुंना चाचा नेहरु या नावाने ओळखतात.