शहरातील वाढत्या प्रदूषणामुळे चेहऱ्याचे आरोग्य धोक्यात येते. अशात घरच्या घरी त्वचेची काळजी घेण्यासाठी रोजच्या आहारातील दुधी भोपळा मदत करेल. आयुर्वेदात दुधी भोपळ्याला खूप महत्त्व आहे. यात कॅल्शियम, लोह आणि व्हिटॅमिन्स भरपूर प्रमाणात आढळतात. जे तुमचे त्वचेचे आरोग्य उत्तम ठेवण्यास मदत करतात.

टॅनिंग दूर

दुधी भोपळ्यामधील अँटी-ऑक्सिडंट गुणधर्म काळवंडलेला चेहऱ्याची चमक पुन्हा घेऊन येण्यास मदत करतो. यामुळे मोठ्या प्रमाणात टॅनिंगची समस्या दूर होते. त्वचेवर कमी वेळात ग्लो आणण्यासाठी दुधी भोपळा रामबाण उपाय आहे. दुधी भोपळ्याचे सालं काढून तुम्ही त्वचेवर चोळल्यास त्वचेवरील टॅनिंग कमी होते. किंवा काळपट भाग निघून जातो. शरीराला जळजळ होत असल्यास पाय किंवा पायांच्या तळव्यावर दुधी भोपळ्याचे सालं चोळा. यामुळे उष्णता निमार्ण होऊन शरीराची जळजळ थांबेल.

दुधी भोपळ्याच्या सालीचा फेसपॅक

साहित्य

• दुधीची सालं

• दुधाची साय

• गुलाबपाणी

• हळद

• कोरफड गर

कृती

दुधी भोपळ्याच्या सालीचा फेसपॅक बनवण्यासाठी एका भांड्यात दुधी भोपळ्याची साल किसून घ्यावी. त्यानंतर यामध्ये थोडे गुलाबपाणी, दुधाची साय, हळद, कोरफड गर टाकून पेस्ट करून घ्यावी. ही पेस्ट चेहऱ्यावर लावा. चेहरा सुकल्यावर थंड पाण्याने धुवा. यामुळे त्वचा तजेलदार होईल. आठवड्यातून दोन वेळा हा फेसपॅक चेहऱ्याला लावल्यास चेहऱ्याचा पोत सुधारेल. चेहऱ्याला फेसपॅक लावण्याआधी त्याची पॅचटेस्ट आवर्जून करा.

डिस्क्लेमर : ही फक्त सामान्य माहिती आहे. अधिक तपशीलांसाठी डॉक्टरांशी संपर्क साधा.