वय झाल्यावर आपोआप आजारपणाच्या समस्या वाढतात. म्हातारपणात आजारी पडल्यावर आर्थिक मदत मिळावी, यासाठी सरकारने खास योजना राबवली आहे. केंद्र सरकारच्या वय वंदना योजनेत ज्येष्ठ नागरिकांना मदत केली जाते. त्यांना ५ लाखांपर्यंत मोफत उपचार दिले जातात.

आयुष्मान भारत योजना (Ayushman Bharat Vay Vandana Cards)

आयुष्मान भारत योजनेत नागरिकांना ५ लाखांपर्यंत मोफत उपचार मिळतात. ज्येष्ठ नागरिकांना या योजनेत १० लाखांपर्यंतचा लाभ मिळू शकतो. गंभीर आजारासाठी १० लाखांपर्यंत मदत दिली जाते. यासाठी वय वंदना कार्ड तयार करावे लागते. ज्येष्ठ नागरिक वय वंदना कार्ड दाखवून १० लाखांपर्यंत मोफत उपचार घेऊ शकतात.

तुम्ही या योजनेचा (Vay Vandana Card) लाभ कॅशलेस आणि पेपरलेस पद्धतीने घेता येतो. शासनमान्य सरकारी आणि खासगी रुग्णालयांमध्ये तुम्ही या कार्डाच्या आधारे उपचार घेऊ शकता. यामुळे जेष्ठ नागरिकांना आपात्कालीन परिस्थितीत याचा सगळ्यात जास्त फायदा घेता येतो.

एखाद्या व्यक्तीला ह्रदयविकार, कॅन्सर, मूत्रपिंड यांसारख्या जीवघेणे आजार असतील किंवा महागड्या शस्त्रक्रिया करायच्या असतील तर 'वय वंदना' योजना तुमच्यासाठी सगळ्यात सोयीस्कर ठरेल.

तुम्ही यासाठी ऑनलाईन पोर्टल किंवा अधिकृत अॅपच्या माध्यमातून आवश्यक कागदपत्रे अपलोड करुन घरबसल्या 'वय वंदना' कार्ड तयार शकता. तुम्हाला ऑफलाइन पद्धतीने म्हणजेच महाआरोग्य शिबिर, प्राथमिक आरोग्य केंद्र, अधिकृत किऑस्क यांसारख्या ठिकाणाहून कार्ड काढता येऊ शकतं. याची माहिती तुम्हाला त्यांच्या अधिकृत वेबसाइटवर सुद्धा मिळू शकते. याचा लाभ सगळ्याच नागरिकांनी घेतला पाहिजे. याबाबत अनेक ठिकाणी मोहीम राबवण्यात आली आहे. याने समाजातील अनेक वृद्धांना त्याचा लाभ घेता येईल अशी सगळ्यांनाच आशा आहे.