Ashadh Deep Amavasya : आषाढ अमावस्या किंवा दीप अमावस्याही आषाढ महिन्यातल्या शेवटच्या दिवशी येणाऱ्या अमावस्येला म्हटलं जाते. आषाढ अमावस्या ही चातुर्मासातील पहिली अमावस्या असं मानलं जातं. यानंतर श्रावण महिन्याची सुरुवात होते.

यावर्षी आषाढ अमावस्या 17 जुलै रोजी आहे. याला दीप अमावस्या किंवा दिव्यांची पहाट म्हणतात. या दिवशी घरात दिवे लावले जातात आणि रांगोळी काढून पूजा केली जाते. या पूजेत पिठाचा दिवा लावला जातो.

या अमावास्येला (Amavasya) पितरांसाठी यज्ञ आणि दान केल्याने पुण्य मिळते असे म्हटले जाते. आषाढ अमावस्येला दीपपूजनाचे महत्त्व आहे. त्याचप्रमाणे प्रत्येक अमावस्येला वेगवेगळी वैशिष्ट्ये आहेत. ही पूजा म्हणजे येत्या श्रावणाच्या (Shravan) स्वागताची तयारी आहे. या दिवशी पिठाचा किंवा बाजरीचा दिवा दक्षिण दिशेला ठेवावा. हा दिवा पूर्वजांच्या पूजनाचे ठेवल्यास घरात सुख शांती लाभते

1. दीप अमावस्या कधी असते?

पंचांगानुसार अमावस्या तिथी 16 जुलै रोजी रात्री 10 वाजता सुरू होणार आहे. पण सूर्योदयामुळे ती 17 जुलै रोजी साजरा केली जाणार आहे. 17 जुलै रोजी मध्यरात्री 12 वाजता अमावस्या तिथी समाप्त होईल. आषाढ अमावस्या सोमवारी आल्यामुळे याला सोमवती अमावस्या असे देखील म्हटले जाणार आहे. म्हणूनच ही अमावस्या विशेष आहे.

2. दीप अमावस्या कशी साजरी करावी?

दीप अमावस्येच्या दिवशी घरात (Home) ठेवलेले दिवे स्वच्छ केले जातात. यानंतर, टेबलावर स्वच्छ कापड पसरवा आणि दिवा ठेवा. तो तिळाच्या तेलाने किंवा तूपाने जाळले जातात. या दिव्यांना फुले आणि नैवेद्य दाखवून पूजा केली जाते.

टीप : येथे दिलेली माहिती धार्मिक मान्यता आणि गृहितकांवर आधारित आहे. साम टीव्ही त्याचे समर्थन करत नाही.