Mangala Gauri vrat 2023 Time : श्रावण महिना हा हिंदू धर्मातील सगळ्यात महत्त्वाचा महिना. या दिवशी भगवान शंकरासोबतच पार्वतीची देखील आराधना केली जाते. यंदा श्रावण महिना हा ५९ दिवसांचा आहे. त्यामुळे आपल्याला शंकराची उपासना करण्यासाठी अधिक वेळ आहे.

परंतु, यंदा अधिक मास आल्यामुळे अनेकांच्या मनात बरेच प्रश्न पडले आहेत. अधिक श्रावण महिन्यात मंगळागौरीचे व्रत आपण करु शकतो का ? श्रावण महिना हा १८ जुलै पासून सुरु होत आहे. पण हा अधिक श्रावण मास आहे. श्रावण महिन्यातील प्रत्येक मंगळवारी नवविवाहीत महिलेने लग्नांच्या पाच वर्षानंतर मंगळागौरीचे व्रत करायचे अशी प्रथा आहे. यामुळे पती पत्नींमधील प्रेम व आदर वाढतो असे म्हटले जाते.

नवरा-बायकोमधील (Husband Wife) आत्यंतिक प्रेम व निष्ठेचे आदर्श म्हणून शिवपार्वतीला पाहिले जाते. यंदा कधीपासून मंगळागौरीचे व्रत व पूजा (Puja) करायची हे जाणून घेऊया

1. मंगळागौरी व्रत तिथी

अधिक मंगळागौरी व्रत पहिला मंगळावर १८ जुलै २०२३

• दुसरा मंगळवार - २५ जुलै २०२३

• तीसरा मंगळवार - १ ऑगस्ट २०२३

• चौथा मंगळवार - ८ ऑगस्ट २०२३

• पाचवा मंगळवार - १५ ऑगस्ट २०२३

निज श्रावण मंगळा गौरी व्रत तिथीपहिला मंगळवार- २२ ऑगस्ट २०२३

• दुसरा मंगळवार - २९ ऑगस्ट २०२३

• तीसरा मंगळवार - ५ सप्टेंबर २०२३

• चौथा मंगळवार - १२ सप्टेंबर २०२३

2. मंगळागौरी पूजनाचे महत्त्व

विवाहित महिलांसाठी (Women) मंगला गौरी व्रत खूप महत्वाचे आहे. पतीच्या दीर्घायुष्यासाठी हे व्रत पाळले जाते. मंगळागौरी व्रतात देवी पार्वतीची विधिवत पूजा केल्याने अखंड सौभाग्याचा आशीर्वाद मिळतो आणि वैवाहिक जीवनात आनंद टिकून राहतो, असे म्हणतात.

तसेच जर तुम्हाला संतती प्राप्ती हवी असेल तर हे व्रत तुमच्यासाठी खूप शुभ आणि फलदायी असेल. याशिवाय जर एखाद्याच्या वैवाहिक जीवनात अडचणी येत असतील तर त्यांनी मंगळागौरी व्रत पाळावे. असे केल्याने वैवाहिक जीवनातील कलह आणि इतर सर्व समस्या दूर होतात.

टीप : येथे दिलेली माहिती धार्मिक मान्यता आणि गृहितकांवर आधारित आहे. साम टीव्ही त्याचे समर्थन करत नाही.