सातारा जिल्ह्यातील जावळी तालुक्यात असलेल्या पेट्री येथील भांबवली वजराई धबधबा पर्यटकांसाठी पर्वणी असतो.

येथील हिरवा निसर्ग, धुके आणि पावसाचा आनंद घेण्यासाठी मोठ्या संख्येने पर्यटक येथे येतात.

सातारा शहराच्या पश्चिमेस मागील दोन आठवड्यांपासून पावसाने अधूनमधून दमदार हजेरी लावली आहे.

पाऊस संततधार सुरू असल्याने छोटे-मोठे धबधबे पर्यटकांचे लक्ष वेधून घेत आहेत.

येथील परिसर डोंगराळ असून, घनदाट झाडीचा असल्यामुळे पर्यटकांना चालताना कसरत करावी लागते.

अतिउत्साही पर्यटक दाट झाडीतून चिखल तुडवत धबधब्यापर्यंत पोहोचतात.

कास पठारापासून काहीशा अंतरावर हा धबधबा आहे.

भांबवली वजराई धबधब्याला पर्यटक प्रामुख्याने जुलै-ऑगस्ट महिन्यांत भेट देतात.

येथील हिरवी गर्द झाडी, धबधब्याच्या पाण्याचा प्रचंड प्रपात, निसर्गाचा खुललेला नजारा पाहून मन प्रफुल्लित होतं.

निसर्गाचा हा नजरा पाहण्यासाठी पर्यटकांना पैसे मोजावे लागत आहेत. एका व्यक्तीमागे ५० रूपये द्यावे लागतात.