पावसात फिरण्याची आणि ट्रेकिंग करण्याची मज्जाच खूप वेगळी आहे. युवा मोठ्या संख्येने पावसात ट्रेकिंगचा आनंद घेतात.
मात्र पावसात ट्रेकिंग करताना आपण स्वतःची विशेष काळजी घेणे महत्त्वाचे आहे. कारण पावसात अनेक भागात पाणी साचते, जमिनी गुळगुळीत होते. त्यामुळे ट्रेक करताना धोका निर्माण होतो.
पावसाळ्यात कधीही एकट्याने ट्रेकिंगला जाऊ नये. नेहमी ग्रुपने जावे. कारण कधीही कोणताही वाईट प्रसंग येऊ शकतो. त्यामुळे आपल्या सोबत कोणी असल्यास तुम्ही सुखरूप वाचू शकता.
ट्रेकिंगमध्ये मोठ्या प्रमाणात डोंगर चढाई केली जाते. त्यामुळे पाठीवर असलेल्या बॅगमध्ये कमीत कमी सामान ठेवावे. कारण पावसात डोंगर चढताना पाय घसरण्याची शक्यता जास्त असते.
ट्रेकिंग करताना आपण खूप उंचावर चढत जातो. त्यामुळे मोबाईलच्या नेटवर्कचा प्रॉब्लेम होऊ शकतो. त्यामुळे नेटवर्क मिळता क्षणी आपले लाइव लोकेशन आपल्या जवळच्या व्यक्तीला पाठवून ठेवावे.
जर खूप अनोळखी ठिकाणी तुम्ही ट्रेकिंगसाठी जाणार असाल तर नेहमी आपल्यासोबत गाईड ठेवा. ज्याला त्या प्रदेशाची संपू्र्ण माहिती असेल.
पावसाळ्यात सहसा रात्री ट्रेक करणे टाळावे. कारण हिंस्र प्राण्यांचा धोका पावसात जास्त वाढतो.
पावसात ट्रेक करताना नेहमी फुल पँट आणि फुल शर्ट परिधान करावे. त्यामुळे हातापायाला कीटक, माशी, मुंग्या चावत नाही.
पावसात ट्रेक करताना कधीही आपल्या जवळ शिट्टी ठेवावी. कारण वाट विसरल्यास किंवा काही समस्या निमार्ण झाल्यास तुम्ही त्या शिटीच्या साहाय्याने मदत मागू शकता.
पावसात बदलत्या वातावरणामुळे आपली तब्येत सांभाळून ट्रेक करावे. उत्साहात ट्रेक प्लान करू नये. नेहमी आपली औषधे ट्रेकला सोबत ठेवावी.
ही फक्त सामान्य माहिती आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.