काँग्रेसचे वरिष्ठ नेते, विरोधी पक्षनेते राहुल गांधी यांनी शुक्रवारी हाथरसमधील पीडित कुटुंबीयांची भेट घेतली.

राहुल गांधी यांनी हाथरसच्या ग्रीन पार्कला जाऊन पीडित कुटुंबायांची भेट घेतली. तसेच यावेळी राहुल गांधी यांनी पीडित कुटुंबीयांचं सांत्वन केलं.

राहुल गांधी यांनी पीडित कुटुंबातील सदस्यांशी चर्चा केली. तसेच दुर्घटनेतील पीडितांच्या नातेवाईकांना धीर दिला.

राहुल गांधी यांनी पीडित कुटुंबीयांची भेट घेतल्यानंतर त्यांचा व्हिडिओ आणि फोटो सोशल मीडियावर व्हायरल होत आहे.

राहुल गांधी यांच्या भेटीनंतर पीडित कुटुंबीयांमधील सदस्यांच्या डोळ्यांमध्ये अश्रू पाहायला मिळाली. तुम्ही काळजी करू नका, आम्ही तुमच्या सोबत असल्याचे त्यांना सांगितले.

राहुल गांधी यांनी पक्षाद्वारे मदत करण्याचे आश्वासन दिल्याचे पीडित कुटुंबातील सदस्यांनी सांगितले. तसेच घटनास्थळी प्रशासनातील अधिकारी नव्हते का, असा प्रश्न विचारल्याचेही त्यांनी सांगितले.

उत्तर प्रदेशमधील हाथरस येथे झालेल्या चेंगराचेंगरीच्या घटनेत १२१ जणांचा मृत्यू झाल्याची घटना घडली. तर काही जण जखमी झाले आहेत.

हाथरस सत्संग चेंगराचेंगरी प्रकरणी आतापर्यंत ६ दोषींना अटक करण्यात आली आहे. पोलिसांनी मुख्य आरोपीच्या अटकेसाठी १ लाखांचे बक्षीस जाहीर केले आहे.