आज ९ जुलै रोजी केंद्रीय कामगार संघटनांनी भारत बंदची हाक दिली आहे. यामध्ये देशातील जवळपास २५ कोटींपेक्षा जास्त कामगार सहभागी होणार आहे.

केंद्र सरकारच्या काही धोरणांचा निषेध करण्यासाठी भारत बंदची हाक दिली आहे. यामध्ये दहा प्रमुख कामगार संघटना आणि इतर संलग्न संघटना सहभागी होणार आहे.

भारत बंदमुळे अनेक कामे रखडणार आहे. यामध्ये बँका, पोस्ट ऑफिस, विमा कंपन्या, परिवहन सेवा, निर्मिती उद्योग,कोळसा कारखाने, स्टील कारखाने बंद राहणार आहेत.

भारत बंदची हाक का दिली यामागची काही कारणे जाणून घ्या.रोजगार हमी योजनांचा विस्तार करावा, अशी या संघटनांची मागणी आहे.

जुनी पेन्शन योजना पुन्हा लागू करावी, असं कामगारांचे म्हणणे आहे.

किमान वेतन दर महिन्याला २६ हजार करण्याची मागणी कामगारांनी केली आहे.

चारही लेबर कोड रद्द करावेत, असंही कामगारांचं म्हणणे आहे. त्यासाठीच भारत बंदची हाक दिली आहे.

सार्वजनिक कंपन्यांचे खाजगीकरण थांबवावे अशी मागणी कामगारांनी केली आहे.