आजचे पंचांग

मंगळवार,२३ सप्टेंबर २०२५,अश्विन शुक्लपक्ष.

तिथी-द्वितीया २८|५२

रास- कन्या २६|५६ नं. तुला

नक्षत्र-हस्त

योग-ब्रह्मा

करण- बालव

दिनविशेष-उत्तम दिवस

मेष - आपण करत असलेल्या गोष्टींमध्ये अडकाठी येण्याचा आजचा दिवस आहे. आपल्याच जवळचे लोक आपली प्रगती बघावत नाहीत असे काहीसे असते. त्यामुळे शत्रुत्व वाढेल. मात्र रागावर नियंत्रण ठेवून कामे करावी लागतील.

वृषभ - कलात्मकता जोपासून पुढे जाणार आहात. प्रेमामध्ये विशेष यश मिळेल. अनेक प्रकारचे उत्तम संधी आज येणारा दिवस आहे. देवी उपासना विशेष फलदायी ठरेल. धनयोग चांगले आहेत.

मिथुन - शेतीवाडी मध्ये भरभराट होणार आहे. जमिनींचे क्रियाविक्रयाचा व्यवसाय किंवा अशा काही गोष्टी आज आपल्या आयुष्यात संधी बनून येतील. सर्व सुखे सहज दारी येतील दिवस चांगला आहे.

कर्क - बहिणीचे विशेष प्रेम आणि माया मिळेल. रेंगाळलेले पत्र व्यवहार आज मार्गी लागतील. छोट्या प्रवासातून फायदा दिसतो आहे. प्रवास सुखाचे होतील. दिवस नव्याने उमेद घेऊन आलेला आहे .

सिंह - एक वेगळी ताकद आपल्याला आज मिळणार आहे. वडिलोपार्जित संपत्तीचे महत्त्व असे निर्णय आज पार पडणार आहेत. आपल्या बोलण्याची एक जरब आणि आदर आज राहील. आपले मोठेपण मान्य करून पुढे जा.

कन्या - काही विचित्र भावाभावना आज निर्माण होतील. "तळ्यात का मळ्यात" अशी ही अवस्था होईल. बुद्धी आणि मन यापैकी आज मनाचा कौल विचारात घ्या. आरोग्य उत्तम राहणार आहे. नवे संकल्प सुकर होतील.

तूळ - पैशाची कमी तशी आपल्या राशीला नसते. पण आज मात्र आलेल्या पैशाला वाटाही अनेक निर्माण होतील.अनपेक्षित खर्च उभे राहतील. परिस्थितीशी दोन हात आज नक्कीच करावे लागतील.

वृश्चिक - जोडलेली नाती आज कामी येतील आयुष्य अनेक संधी घेऊन आलेला आहे. चांगल्या गोष्टी मध्ये वृद्धी होईल. शेजारी, नातेवाईक यांच्या सहकार्याने आज पुढे जाल .दिवस चांगला आहे

धनु - कोणी काही म्हणाले तरी आज नेटाने आपण आपली कामे कराल. सामाजिक क्षेत्रामध्ये आघाडीवर राहणार आहात. समाधान आणि आनंद या दोन्ही गोष्टी समान वाटणी झाल्याप्रमाणे आजचा दिवस आपल्यासाठी आहे.

मकर - मोठे प्रवास घडणार आहेत. चिकट आणि चिवटपणे आजपर्यंत करत आलेल्या गोष्टींमधून फायदा होणार आहे. भाग्यकारक घटना घडतील. नातवंड सौख्य उत्तम आहे. शिव उपासना फायद्याची ठरेल.

कुंभ - जाणता आजाणता अर्थातच नकळत काही चुका आपल्याकडून होतील. ज्या त्रासदायक ठरतील. अति पैशाच्या मोहापाई करण्यात येणाऱ्या गोष्टी आज टाळाव्यात. सरकारी कामांमध्ये व्यत्यय दिसतो आहे.

मीन - व्यापारामध्ये वृद्धी होईल. आपल्या साध्या स्वभावाचा मात्र समोरचा पक्ष फायदा घेत नाही ना हे समजून पुढे जा. कोणताही निर्णय घेताना द्विधा अवस्था आज टाळणं गरजेचं आहे. दिवस संमिश्र आहे.