वैदिक ज्योतिषशास्त्रात दैत्यांचे गुरु शुक्र यांना विशेष महत्त्व दिले जाते. शुक्र हा भोग-विलास, प्रेम-आकर्षण, धन-वैभव, विवाह यांचा कारक मानला जातो. ठराविक कालावधीनंतर शुक्र आपली स्थिती बदलतो आणि त्याचा परिणाम सर्वा राशींवर वेगवेगळ्या प्रकारे दिसून येतो.

१२ डिसेंबर रोजी शुक्र वृश्चिक राशीत अस्त झाला असून ते १ फेब्रुवारी २०२६ पर्यंत या अवस्थेत राहतील. त्यानंतर तो पुन्हा उदय होणार आहे. दरम्यान, २० डिसेंबर रोजी शुक्र अस्त अवस्थेत धनु राशीत प्रवेश करणार आहे. शुक्र अस्त होताच मांगलिक कार्यांमध्ये अडथळा निर्माण होतो. तसेच सर्व राशींवर त्याचा काही ना काही परिणाम दिसून येतो. या काळात तीन राशींना विशेष अडचणींचा सामना करावा लागू शकतो.

वृषभ राशी (Taurus)

शुक्र सातव्या भावात अस्त होणार असल्याने विवाह, जीवनसाथी यासंबंधी अडचणी निर्माण होऊ शकतात. जीवनात वादविवाद होण्याची शक्यता आहे. त्यामुळे अनावश्यक राग टाळावा. अन्यथा नातेसंबंध तुटण्याच्या स्थितीत पोहोचू शकतात. वरिष्ठ अधिकारी नाराज होऊ शकतात. व्यापारात मोठा नफा होणार नाही.

तूळ राशी (Libra)

पहिल्या आणि आठव्या भावाचा स्वामी असलेला शुक्र दुसऱ्या भावात अस्त होईल. त्यामुळे तुला राशीच्या लोकांना नकारात्मक परिणामांचा सामना करावा लागू शकतो. गाडी चालवताना किंवा प्रवास करताना विशेष काळजी घ्या. धनहानीची शक्यता आहे. त्यामुळे पैसा खर्च करताना विचारपूर्वक निर्णय घ्या.

वृश्चिक राशी (Scorpio)

या राशीच्या लग्नभावात शुक्र अस्त होणार आहे. कुटुंबासोबत मतभेद होऊ शकतात. करिअरच्या दृष्टीने कामाचा ताण वाढेल आणि मानसिक तणाव जाणवणार आहे. नोकरी करणाऱ्यांना सहकाऱ्यांपेक्षा चांगले प्रदर्शन करणे कठीण जाणार आहे. प्रेमसंबंधांमध्ये जीवनसाथीसोबत वादविवाद होऊ शकतात.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)