स्वाती नक्षत्र -

राहू या ग्रहाच्या अमलाखाली येणारे हे नक्षत्र आहे. या व्यक्तीचा स्वभाव बुद्धिमान,द्रष्टा, उच्चभिलाषी, तौलनिक अभ्यास करणारे, विनम्र पण स्पष्ट वक्ता, भावनात्मक, संवेदनाशील, लाघवी, माणसांना समजून घेणारे, दुसऱ्यांच्या ऐकून घेणारे, मित्रमंडळीत रमणे यांना आवडते. मनातली गोष्ट पटकन कोणाला सांगत नाहीत. काही वेळेला पटकन कोणावरही रुसतात.

जीवनाचा खोलवर विचार करणारे, स्मरणशक्ती चांगली, सारासार विवेक असणारे, चारित्रा बद्दल अत्यंत जागरूक ,प्रवासाची आवड, स्त्रियांबाबत काहीशी संकुचित वृत्ती असते. व्यवसायमध्ये अनेक व्यवसाय एकाच वेळी हातात घेतात. यशस्वी, आनंदी, हौशी, रसिक वृत्तीने जगणारे नक्षत्र आहे. बिघडल्यास स्वार्थी आणि कंजूस वृत्तीने राहणारे. धाडसी आणि हट्टी असे होतात.

नोकरी व्यवसाय -

रासायनिक पदार्थांचे विक्री मद्याचा व्यवसाय मध्ये उत्तम यश, ऑटोमोबाईल, फोटोग्राफी, एक्स-रे, इलेक्ट्रिकल सामान, सर्जरी उपकरणे, काच सामान, टॉयलेटचे सामान, प्लास्टिक उद्योग, सिल्क कशीदा काम, फॅन्सी स्टोर विक्रेते, बारबाला, डान्सर, आर्टिस्ट, अचानक आपल्या क्षेत्रात चमकतात आणि लुप्त होतात.

रोग आजार -

या नक्षत्रावर त्वचा आंतपूच्छा, मूत्रपिंड, गर्भाशय हे अवयव नेतात त्यामुळे यांना एक्झिमा, त्वचारोग, रक्तगाठी, अल्सर गर्भाशयाचे आजार, मूत्रपिंडाचे विकार, कंबर दुखणे आणि रक्तदाब असे रोग उद्भवतात.