पंचांग

रविवार,१४ डिसेंबर २०२५,मार्गशीर्ष कृष्णपक्ष,

शुक्र पूर्व लोप.

तिथी-दशमी १८|५०

रास-कन्या २१|४२ नं. तुला

नक्षत्र-हस्त

योग-सौभाग्य

करण-विष्टीकरण

दिनविशेष-१९ नं. चांगला

मेष - महत्त्वाची कामे दुपारनंतर केलेली बरे राहील. कारण नसताना आरोग्याच्या तक्रारी उदभवतील. आहारावर विशेष लक्ष केंद्रित करून मन स्वच्छ, चांगले ठेवा.

वृषभ - संततीचे प्रश्न मार्गी लागणार आहेत. तुम्ही घेतलेले निर्णय अंदाज योग्य दिशेने आहेत याची तुम्हाला खात्री होईल. शेअर्स आणि लॉटरीमध्ये भरपूर पैसा आज मिळेल.

मिथुन - प्रॉपर्टीचे सौख्याला दिवस उत्तम आहे. जागेचे प्रश्न जर दिरंगाई मध्ये अडकले असतील तर आज ते मार्गी लागतील. वाहन सौख्यही चांगले आहे. दिवस उत्तम आहे.

कर्क - नोकरी व्यवसायामध्ये दैदिप्यमान प्रगती कराल. समाधानकारक सर्वच ठिकाणी स्थिती राहील.मनस्वास्थ्य उत्तम राहील. जवळच्या नातेवाईकांच्या सहकार्याने मैलाचा दगड पार कराल.

सिंह - व्यवसायामध्ये अनिर्णित राहिले आहेत त्याचे निर्णय आज होतील. आर्थिक अडचणीतून मार्ग निघेल. काही लना अचानक धनलाभाची सुद्धा शक्यता आहे. दिवस चांगला आहे.

कन्या - आपल्या राशीला सतत काही ना काळजी आणि चिंता आपल्या असतेच. आज मात्र आजचा दिवस याला अपवाद आहे.मन आनंदी आणि आशावादी राहील. तुमच्या कार्यक्षेत्रात सुसंधी आणि प्रसिद्धी लाभणार आहे.

तूळ - दैनंदिन कामे रखडतील. प्रवास हे शक्यतो टाळावे. प्रवासामध्ये काहीतरी कटकटी मागे लागण्याची शक्यता आहे. महत्त्वाच्या ऐवज आणि जिन्नस सांभाळा. परदेश गमनाचे नियोजन होईल.

वृश्चिक - महत्त्वाच्या गाठीभेटी पार पडणार आहेत. आरोग्य सुध्दा उत्तम राहील. विविध लाभ आज तुमच्या राशीला मिळतील. काळजीचे कारण नाही दिवस चांगला आहे.

धनु - तुमचा कार्यक्षेत्रामध्ये एखादी गरुड झेप नक्की घ्याल. आपले मनोबल आणि आत्मविश्वासावर पुढे जावे. आपल्या सहकाऱ्यांची योग्य ती साथ हीच आजच्या दिवसाची जमेची बाजू ठरेल.

मकर - ज्या दिवसांची अतिव वाट पाहत आहात, अशी एखादी महत्त्वाची घटना घडेल. भारतात काहींना तीर्थक्षेत्र स्थानी सुद्धा भेटीचे योग आहेत. शंकराची उपासना विशेषत्वाने करावी.

कुंभ - कोणाचेही सहकार्याची अपेक्षा आज नकोच. "भीक नको कुत्र आवर" असा काहीसा दिवस आहे. वादविवाद टाळून पुढे जाणे आज गरजेचे आहे.

मीन - भागीदारी व्यवसायामध्ये सुयश लाभेल.इतरांवर तुमचा प्रभाव चांगला राहील. व्यवसायामध्ये नवीन गोष्टीत पाय रोवाल. दिवस चांगला आहे.