आजचे पंचांग

रविवार,२० जुलै २०२५,आषाढ कृष्णपक्ष.

तिथी-दशमी १२|१४

रास-वृषभ

नक्षत्र-कृत्तिका

योग-गंड

करण-विष्टीकरण

दिनविशेष-कृत्तिका वर्ज्य

मेष - पैशाला पैसा जोडणं आज महत्त्वाचे आहे. काही वेळेला अशी साखळी पुढील भवितव्यासाठी महत्त्वाची ठरते.धनाची आवक समाधानकारक राहील. त्यासाठी विशेष प्रयत्न सुद्धा करावे लागतील.दिवस धावपळीचा असेल.

वृषभ - रसिकता जपून अनेक कामे कराल. ठरलेल्या गोष्टी वेळेत झाल्यामुळे मनाला स्वास्थ मिळेल. आरोग्य उत्तम राहील. दिवस मनस्वी आहे .

मिथुन - काय करावे आणि काय करू नये अशा काहीशा संभ्रमात असाल. महत्वाचे निर्णय घेताना तारेवरची कसरत होईल. कदाचित ते लांबणीवर सुद्धा पडतील. जवळच्या व्यक्तीचा यासाठी सल्ला घ्या.

कर्क - एखादी नवीन भाषा अवगत करण्यासाठी सुरुवात करण्यासाठी आजचा दिवस चांगला आहे. प्रगतीच्या दृष्टीने द्वारे खुली होतील. जुन्या गोष्टींमधून नवा फायदा आज मिळणार आहे. दिवस चांगला आहे.

सिंह - जे ठरवाल ते होईलच असा आजचा दिवस उदयाला आलेला आहे. आपल्या वरिष्ठ लोकांची विशेष मर्जी आपल्यावर आहे. ठरवलेल्या गोष्टी योग्य प्रकारे घडतील. कामाला भरती येईल.

कन्या - भाग्याला कलाटणी मिळणारा आजचा दिवस आहे. देवाने भरभरून दान आपल्याला दिले आहे. आपल्या क्षमतेची चाचणी घेऊनच आज पुढे जाल. कृतज्ञता व्यक्त करायला लावणारा आजचा दिवस आहे. विष्णू उपासना करावी.

तूळ- अचानक धनलाभाची आज शक्यता आहे. प्रयत्नांना यश मिळेल. पण खडतर प्रयत्न करावे लागतील. एकाहाती सत्ता घेतलेले आज बरे राहील.

वृश्चिक - जोडीदाराबरोबर हितगुज साधावे. प्रेमाला उधाण येईल. एकमेकांसाठी सहकार्य केल्यामुळे नाते वृद्धिंगत होईल. महत्त्वाच्या गोष्टींचे निर्णय आज घेतले तर बरे राहील. दिवस संमिश्र आहे.

धनू - पोटाविषयी, उष्णतेचे, मुळव्याधविषयी, मानसिक आजार आज त्रस्त करतील. जवळच्या लोकांकडून वाईट वर्तवणूक मिळाल्यामुळे मनस्वास्थ्य खराब राहील. धीराने आजच्या परिस्थितीला तोंड द्यावे लागेल.

मकर - शिवकृपाशीर्वाद विशेष आपल्यावर राहणार आहेत. संततीकडून मनासारख्या घटना घडतील. तुमच्यासाठी प्रेरणादायी दिवस आहे. क्रीडा क्षेत्रातील व्यक्तींना प्रगतीपथ आहे.

कुंभ - देवा विषयी आपल्या भावना विशेष सकारात्मक भाव नाहीत. पण आज काही गोष्टी अशा होतील आपल्याला धार्मिक कार्यात घरगुती कार्यक्रमात सहभाग घ्यावा लागेल. पण एकूणच मनशांती चांगली लाभेल.

मीन - बहिण - भावाचे कामाविषयी विशेष सहकार्य मिळेल. पराक्रमामध्ये भर पडेल. जवळचे प्रवास होतील. पत्रव्यवहार मार्गी लागतील. दिवस चांगला आहे.