वैदिक ज्योतिषशास्त्रात शनि ग्रहाला कर्मांचा न्यायाधीश मानण्यात येतं. नव ग्रहांमध्ये शनी हा सर्वात संथ गतीने चालणारा ग्रह आहे. हा ग्रह जातकांना त्यांच्या कर्मानुसार फळ देतो. ज्योतिषशास्त्रानुसार, शनि एका राशीत सुमारे अडीच वर्षे राहतो आणि २०२७ पर्यंत मीन राशीत राहील.

ज्योतिष्य शास्त्रानुसार, येत्या काळात शनि आणि सूर्यामध्ये ७२ अंशांचा कोन तयार होणर आहे. ज्याला पंचक योग म्हणतात. ज्योतिषशास्त्रानुसार, हा योग ३ जून रोजी पहाटे ३:३१ वाजता तयार होणार आहे. यावेळी शनि आणि सूर्य यांच्यामध्ये हा योग तयार होणार असून हा विशेष योग काही राशींसाठी अशुभ संकेत ठरू शकतो. यामध्ये कोणत्या राशींचा समावेश आहे ते पाहूयात.

मिथुन रास

मिथुन राशीच्या लोकांनी यावेळी सावधगिरी बाळगली पाहिजे. तुम्हाला कामात आणि कौटुंबिक जीवनात काही समस्या येऊ शकतात. तुमचे वर्तन थोडं असभ्य असू शकणार आहे. तुमच्या खर्चावर नियंत्रण ठेवावं लागू शकतं. तुम्हाला आरोग्याची विशेष काळजी घ्यावी लागेल.

तूळ रास

तूळ राशीच्या लोकांनी गुंतवणूक करण्यापूर्वी विचार करावा लागणार आहे. धोकादायक गुंतवणूक तुम्हाला टाळावी लागणार आहे. अन्यथा तुम्हाला आर्थिक नुकसान होण्याची शक्यता आहे. या काळात तुमचे विचार इतरांवर लादण्याची प्रवृत्ती नुकसान पोहोचवू शकते. तुमच्या गुप्त योजना उघड करू नका.

कुंभ रास

पंचक योगाच्या प्रभावामुळे कुंभ राशीच्या लोकांना राग आणि घाई टाळावी लागणार आहे. कोणताही निर्णय घेण्यापूर्वी थंड डोक्याने विचार करा. सट्टेबाजी किंवा शेअर्ससारख्या धोकादायक गुंतवणुकीपासून दूर रहावं लागेल. कुटुंबात वाद होण्याची शक्यता आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)