आजचे पंचांग

सोमवार,१५ सप्टेंबर २०२५,भाद्रपद कृष्णपक्ष,अविधवा नवमी,नवमी श्राध्द.

तिथी-नवमी २५|३२

रास- मिथुन

नक्षत्र-मृग

योग- व्यतिपात

करण-तैतिल

दिनविशेष-व्यतिपात वर्ज्य

मेष - धावपळ , दगदग आज दिवसभरात वाढणार आहे. मात्र काहीतरी वेगळा पराक्रम आज कराल. आत्मविश्वास, जिद्द चिकाटीने येणाऱ्या अडचणींवर मात कराल आणि यश मिळवाल.

वृषभ - धनयोग उत्तम आहेत. वारसा हक्काच्या प्रॉपर्टीशी निगडित काही व्यवहार किंवा बैठका असतील तर आज त्या पार पडतील. स्नेहभोजनाचे योग आहेत.

मिथुन - वक्तृत्व उत्तम असणारी आपली रास आहे. बोलण्यामधून समोरच्याचे मन जिंकाल अनेक गोष्टी एकाच वेळी साध्य करण्यासाठी धडपड करावी लागेल.

कर्क - मनस्ताप वाढवणाऱ्या घटना घडतील. न केलेल्या गोष्टींचे खापर आपल्यावर येईल. सोप्या गोष्टी अवघड होऊन बसतील. अध्यात्मिक कास धरल्यास दिवस बरा राहील.

सिंह - मैत्री मधून लाभ संभावत आहेत. जुनी येणी वसूल होतील. धडपड करून मिळालेले यश हे कायमस्वरूपी असते हे जाणवेल. दान, दानत सुद्धा चांगली राहील.

कन्या - करियर फोफावेल. समाजकारणामध्ये हिरीरिने सहभाग घ्याल. हिशोबाशी निगडित काही गोष्टी असतील तर असत्या मार्गी लागतील. कामाचे क्षेत्र नवीन संधी उपलब्ध करून देईल.

तुळ - देवी उपासना फलदायी ठरेल. तीर्थक्षेत्री भेटी होतील. भाग्यकारक घटना आणि सुवार्ता कानी येणार आहेत. नातेवाईकांच्या सहकार्याने पुढे जाल.

वृश्चिक - गुप्तधनाची आस वाढेल. कदाचित त्यासाठी विशेष प्रयत्न कराल. काहीतरी गोष्टीचे गूढ शोधण्यासाठी आज प्रयास असेल. एकटेपणाची भावना पण निर्माण होईल.

धनु - व्यवसायामध्ये अनेक टप्पे आज चांगले येतील. आणि ते सहज पारही होतील. सद्गुरूंची विशेष कृपा आपल्यावर राहणार आहे. नव्या सृजनशील गोष्टींमध्ये सहभाग घ्यायला हरकत नाही.

मकर - जुने, चिकट रोग- आजार आज डोके वर काढतील. कामात येणाऱ्या अडचणी बोलून सोडवल्यानंतर सहज मार्ग निघेल. गुप्त शत्रू त्रास देतील.

कुंभ - संशोधनात्मक वृत्ती वाढीस लागेल. नव्याने काहीतरी शिकण्यासाठी धडपड करायला विद्यार्थ्यांना दिवस उत्तम आहे. आपले प्रज्ञा वैभव, संतती सौख्याला दिवस चांगला आहे.

मीन - घरी एखादे धार्मिक कार्य होईल. मातृसौख्य, वाहनसौख्य, गृहसौख्य यासाठी दिवस उत्तम आहे. नव्याने काही खरेदी करायचे असेल तर आज आवश्य करावी.