आजचे पंचांग

सोमवार,११ ऑगस्ट २०२५,श्रावण कृष्णपक्ष,

शिवमुष्टि (मूग)

तिथी-द्वितीया १०|३४

रास- कुंभ ३०|१० नं. मीन

नक्षत्र- शततारका

योग-अतिगंड

करण-गरज

दिनविशेष-उत्तम दिवस

मेष - जर आपल्याला परदेशी भाषेचे आकर्षण असेल किंवा त्यामध्ये काही करिअर ची इच्छा असेल तर आज त्या गोष्टीला चालना मिळेल. परदेशी वार्तालाप होतील. आपल्या मित्रांचे यामध्ये सहकार्य लाभेल.

वृषभ - शुक्र प्रधान असणारी आपली रास. आनंद लुटायला आपल्याला आवडते. आज कामाच्या बरोबर मनोरंजनात्मक कार्यामध्ये सुद्धा सहभाग घ्याल, आपल्या बॉसची मर्जी सुद्धा सांभाळाल.

मिथुन- आज श्रावणी सोमवार. शिव उपासना, विष्णू उपासना आपल्या राशीला फलदायी ठरेल. मनोवांछित तर कामना पूर्ण होतील. काहीतरी चांगल्या बातम्या कानावर येतील.

कर्क - कोणत्याही गोष्टीचे आवडंबर आज माजवू नका. मागे बघू नका. एकाच रस्त्याने आणि नेक दिलाने काम करा. तरच तुम्हाला यश आहे. कोणत्याही गोष्टी ज्या अडचणीच्या ठरतील त्याची आव्हाने आज नकोतच.

सिंह - जोडीदारराच्या मागण्या काय आहेत त्या पूर्ण करण्यामध्ये आज वेळ घालवला तरी चालेल.आपण इतरांचे पोशिंदे आहोत अशी ही भावना आज मनी येईल. रखडलेले कोर्टाच्या कामात आज यश मिळेल.

कन्या - कोणतीतरी प्रेरणा घेऊन आज कामे कराल. नोकरीच्या ठिकाणी सुलभता जाणवेल. आपल्या जवळच्या लोकांच्याकडून सहकार्य मिळाल्यामुळे खंबीरपणे आव्हाने पेलाल.

तूळ - लक्ष्मीची भरभराट आपल्या द्वारी आज होणार आहे. ठरवून गेलेल्या गोष्टींमध्ये यश मिळेल.अचानक पैसाही आणि धनयोगाला दिवस उत्तम आहे. अनेक गोष्टी एकाच वेळी करण्याची सवय आज जडेल.

वृश्चिक - प्रेमस्वरूप आईचे वात्सल्य मिळेल. वास्तू आणि वाहनसौख्याच्या दृष्टीने दिवस चांगला आहे. कुटुंबीयांच्या सहकार्याने आयुष्याचा महत्त्वाचा टप्पा आज पार पाडाल. घरी वातावरण चांगले राहील.

धनु- महत्त्वाच्या पत्रव्यवहाराला आज मार्ग मिळतील. घटना सुलभ आणि सुकर होताना आज जाणवून येईल. ठरवलेल्या गोष्टी नियोजित वेळेत झाल्यामुळे मनाला उभारी येईल.

मकर - व्यवसायाच्या उलाढालीमध्ये व्यस्त रहाल. पैसा आपल्यासाठी महत्त्वाचा आहे. हिशोबाने मिळवाल आणि आणि ते पैसे साठवाल असा आजचा दिवस आहे. कधी आपण म्हणतो कंजूस व्यक्ती लक्ष्मीला आवडते हेच खरे.

कुंभ - ऐटीत आणि मजेत जगण्याची आज स्वप्न रंगवाल. आणि ते सत्यात सुद्धा येतील. स्वतःपेक्षा जगात काही महत्त्वाचे नाही आज हे जाणवेल. इतरांनी कोणी आपले कौतुक करण्यापेक्षा आपल्या कौतुकात तुम्हीच मश्गुल रहाल.

मीन - विनाकारण बिकट अवस्था होईल. साधेपणामुळे केलेल्या गोष्टींचा आज त्रास वाटेल. महत्त्वाच्या बैठक आणि निर्णय पार पडतील. पण मनस्ताप हि वाढेल. खर्चावर नियंत्रण ठेवणे आज गरजेचे आहे.