आजचे पंचांग

गुरुवार,२१ नोव्हेंबर २०२४,कार्तिक कृष्णपक्ष,गुरुपुष्यामृत.

तिथी-षष्ठी १७|०४

रास-कर्क

नक्षत्र-पुष्य

योग- शुक्लयोग

करण- वणिज

दिनविशेष-१७ प. चांगला

मेष - नोकरी व्यवसायाच्या ठिकाणी धावपळ आणि दगदगीचा आजचा दिवस आहे. आपल्या बोलण्यामुळे आपले सहकारी दुखावले जाणार नाही ना जात? याची काळजी घ्या.

वृषभ - जुन्या केलेल्या गुंतवणुकी मधून योग्य परतावा मिळण्याचा आजचा दिवस आहे. मग ती गुंतवणूक भावनिक असो किंवा आर्थिक. दिवस आनंद घेऊन येणार आहे.

मिथुन - तब्येतीसाठी पैसे खर्च होतील. मात्र अनाठाई खर्च टाळा. सगळे करून पालथ्या घडावर पाणी असा आजचा दिवस आहे. मनस्ताप वाढेल.

कर्क - गुरुपुष्यामृतासारखा शुभ दिवस आहे. आज सोने खरेदी आपल्याला अनुकूल राहील. आत्मविश्वास वाढेल. जोमाने कामाला लागाल.

सिंह - घराण्याची पत आणि प्रतिष्ठा संभाळण्यामध्ये आज आपली वृत्ती पणाला लावाल. जेष्ठांचा आदर करा. पैशाची आवक जावक चांगली राहील. सोन्यामधील गुंतवणूक श्रेयस ठरेल.

कन्या- भावंडांची जबाबदारी अंगावर येईल. लेखन, प्रकाशन या कामात विशेष यश मिळेल. आपल्या सन्मानामध्ये वाढ होईल. लहान प्रवास घडतील.

तुळ- घरामध्ये सर्वांची जबाबदारी पार पाडावी लागेल. तरी सुद्धा सगळ्यांचे श्रेय आपल्याला मिळेल असे सांगता येत नाही. दिवस संमिश्र राहील.

वृश्चिक - प्रेमामध्ये अबोला असेल तर आज तो संपुष्टात येण्याचा दिवस आहे. नवीन स्वप्न रंगवाल. क्रीडा क्षेत्रामध्ये प्रगती होईल. शेअर्स मध्ये चांगले पैसे मिळतील. सोने खरेदीसाठी आजचा दिवस तुम्हाला अतिशय शुभ असेल.

धनु - जुनी दुखणे आणि आजार डोक्यावर काढतील. मेदकारक आणि वातूळ पदार्थ आज टाळणे गरजेचे आहे. चोरी आणि चोरांपासून सावध रहा.

मकर - जोडीदाराचे मोठेपण मान्य करून समजून घ्यावे लागेल. संसारामध्ये तडजोड केल्याने संसार सुखाचा होतो. काही वेळेला आपल्या मनाला मुरड घालून इतरांची मने राखणे चांगले आहे. तो आजचा दिवस आहे.

कुंभ - खोट्यापणाच्या आहारी न जाता सचोटीने काम करा. तर आज यश मिळेल. अन्यथा चुकीच्या गोष्टीत अडकून राहाल. अन्यथा आपली पत वाया जाईल.

मीन - सद्गुरूंची विशेष कृपा आपल्यावर राहणार आहे. सोने खरेदी आपल्यासाठी योग्य राहील. भाग्यामध्ये वृद्धी होईल. दिवस आनंदी असेल.