साऊथ सुपरस्टार यशचा 'टॉक्सिक' चित्रपट सध्या बॉक्स ऑफिसवर धुमाकूळ घालताना दिसत आहे. या चित्रपटाने अवघ्या तीन दिवसात बॉक्स ऑफिल हादरवले आहे. 'टॉक्सिक: अ फेअरी टेल फॉर ग्रोन-अप्स' (Toxic: A Fairy Tale for Grown-ups) हा चित्रपट २६ ऑगस्ट २०२६ ला थिएटरमध्ये रिलीज झाला आहे. चित्रपटाने तिसऱ्या दिवशी बक्कळ कमाई केली आहे. रक्षाबंधनाला 'टॉक्सिक' हाऊसफुल पाहायला मिळाला. 'टॉक्सिक' ने अवघ्या तीन दिवसांत भारतातील नेट कमाईचा १५० कोटी रुपयांचा टप्पा ओलांडला आहे.

'टॉक्सिक' बॉक्स ऑफिस कलेक्शन दिवस ३

Sacnilk च्या रिपोर्टनुसार, 'टॉक्सिक' चित्रपटाने रिलीजच्या तिसऱ्या दिवशी म्हणजे शुक्रवारी भारतात अंदाजे २६.६० कोटी रुपयांची नेट कमाई केली. या चित्रपटाने दुसऱ्या दिवशी ३७.६५ कोटी रुपये कमावले होते. तीन दिवसांत 'टॉक्सिक'ने भारतात १६५.३५ कोटी रुपयांची नेट कमाई केली आहे, तर त्याची एकूण देशांतर्गत ग्रॉस एकूण कमाई १९७.७० कोटी रुपये इतकी झाली आहे. या चित्रपटाने परदेशातही २३.७५ कोटी रुपयांची कमाई केली असून, त्यामुळे त्याची जागतिक स्तरावरील एकूण कमाई २२१.४५ कोटी रुपयांवर पोहोचली आहे.

• दिवस १ - १०१.१० कोटी रुपये

• दिवस २ - ३७.६५ कोटी रुपये

• दिवस ३ - २६.६० कोटी रुपये

मीडिया रिपोर्टनुसार, 'टॉक्सिक'ने तिसऱ्या दिवशी परदेशात ४ कोटी रुपयांची कमाई केली. याचे परदेशातील ग्रॉस कलेक्शन २३.७५ कोटी रुपयांवर पोहोचले आहे. चित्रपटाचे जागतिक स्तरावरील एकूण संकलन आता २२१.४५ कोटी रुपये झाले आहे.'टॉक्सिक: अ फेअरी टेल फॉर ग्रोन-अप्स' मध्ये मुख्य स्टारकास्टमध्ये यश, नयनतारा, कियारा अडवाणी, तारा सुतारिया, रुक्मिणी वसंत आणि हुमा कुरेशी यांचा समावेश आहे.

'टॉक्सिक' चित्रपटाचे भाषांनुसार कमाई

चित्रपटाच्या तिसऱ्या दिवसाच्या कमाईमध्ये हिंदी आवृत्तीचा वाटा सर्वात मोठा राहिला, अंदाजे १९.१५ कोटी रुपयांची कमाई केली. कन्नड आवृत्तीने एकूण ५ कोटी रुपयांचे कलेक्शन केले. तेलुगू आवृत्तीने अंदाजे १.५० कोटी रुपये कमावले. तमिळ आवृत्तीने ७५ लाख रुपयांची कमाई केली. मल्याळम आवृत्तीने २० लाख रुपये कमावले.