Johnny Lever On Aamir Khan:

बॉलिवूडचा मिस्टर परफेक्शनिस्ट म्हटला जाणारा आमिर खान अनेकदा आपल्या अभिनयाने लोकांची मने जिंकतो. लोकांना आमिरचा अभिनय खूप आवडतो. आज आमिरचा 'कयामत से कयामत तक' चित्रपट प्रदर्शित होऊन 36 वर्षे झाली आहेत.

या खास प्रसंगी प्रत्येकजण आमिरचे अभिनंदन करत आहे. पण याच दरम्यान सोशल मीडियावर एक व्हिडिओ समोर आला आहे. ज्यामध्ये प्रसिद्ध अभिनेता जॉनी लीव्हर म्हणाला आहे की, आमिर खान कोण आहे? नेमकं काय आहे हे प्रकरण? जाणून घेऊ...

जॉनीने केलं आमिरचे कौतुक

अलीकडेच bollywoodnow ने जॉनीच्या मुलाखतीचा एक व्हिडिओ शेअर केला आहे. या व्हिडिओमध्ये जॉनी आमिरबद्दल बोलत आहे आणि त्याचे कौतुक करत आहे. व्हिडीओमध्ये जॉनी सांगत आहे, आमिर खान आला, तेव्हा आम्ही विचारलं आमिर खान कोण आहे?

जॉनी म्हणाला, आम्ही भेटलो आणि आम्ही चित्रपटाबद्दल बोलू लागलो. त्यावेळी आम्ही म्हणालो होतो की, चित्रपट चालत नाही. मात्र 'कयामत से कयामत तक' हा त्याचा पहिला चित्रपट प्रदर्शित झाला, तेव्हा आमिर खान… बाप रे बाप… त्यात त्याने खूप चांगला अभिनय केला.

जॉनी म्हणाला की, ''आमिर इतका नॅच्युरल वागला की, तो एक सामान्य माणूस आहे, असं वाटलं. आमिरचा अभिनय पाहून लोकांना वाटले की, हो यार, तो हे पूर्णपणे नॅच्युरल अभिनय करतो. यामुळेच तो सुपर-डुपर हिट होता. त्याचबरोबर आता चाहतेही आमिरचे खूप कौतुक करत आहेत. आमिर खानच्या 'कयामत से कयामत तक' या चित्रपटात जुही चावला, दलीप ताहिल, इम्रान खान, राजेंद्रनाथ जुत्शी, गोगा कपूर आणि इतर अनेक कलाकार दिसले होते. लोकांना हा चित्रपट खूप आवडला.''