साऊथ सुपरस्टार विजय देवरकोंडा (Vijay Deverakonda) सध्या त्याचा आगामी चित्रपट 'किंगडम'मुळे चांगलाच चर्चेत आहे. 'किंगडम'मधून विजय एका हटके अंदाजात प्रेक्षकांच्या भेटीला येणार आहे. नुकताच 'किंगडम'चा (Kingdom ) धमाकेदार ट्रेलर रिलीज करण्यात आला आहे. निर्मात्यांनी हिंदीत चित्रपटाचे नाव 'साम्राज्य' (saamrajya ) असे ठेवले आहे. 'किंगडम' ही गुप्तहेराची कथा आहे.

'किंगडम'मध्ये विजय देवरकोंडा मुख्य भूमिकेत आहे. 'किंगडम'ॲक्शन-थ्रिलर चित्रपट आहे. ट्रेलरमधील विजयचा किलर लूक पाहायला मिळत आहे. त्याच्या अभिनयाचे सर्वत्र कौतुक होताना पाहायला मिळत आहे. रविवारी 'किंगडम'चा ट्रेलर हिंदीत रिलीज करण्यात आला आहे. चित्रपटाचे दिग्दर्शन गौतम तिन्नानुरी यांनी केले आहे.'किंगडम'च्या ट्रेलरमध्ये जबरदस्त डायलॉग पाहायला मिळत आहे. तर विजय देवरकोंडा ॲक्शन मोडमध्ये पाहायला मिळत आहे.

'किंगडम' स्टारकास्ट

'किंगडम'मध्ये विजय देवरकोंडासोबत तगडे कलाकार पाहायला मिळणार आहेत. यात सत्यदेव, रामावथ चिंटू, भाग्यश्री बोरसे, मनीष चौधरी, बाबुराज यांचा समावेश आहे. मीडिया रिपोर्टनुसार, 'किंगडम' 130 कोटी रुपयांच्या बजेटमध्ये बनवण्यात आला आहे. 'किंगडम' चित्रपट 31 जुलैला थिएटरमध्ये पाहता येणार आहे.

'किंगडम' ओटीटी रिलीज

विजय देवरकोंडाच्या 'किंगडम' चित्रपटाचे ओटीटी राइट्स नेटफ्लिक्सने खरेदी केले आहे. थिएटर गाजवल्यावर 'किंगडम' नेटफ्लिक्स या ओटीटी प्लॅटफॉर्मवर पाहता येणार आहे. नेटफ्लिक्सने 'किंगडम'चे ओटीटी राइट्स 50 कोटी रुपयांना विकत घेतले आहेत. मात्र अद्याप 'किंगडम'च्या ओटीटी रिलीजची तारीख जाहीर झाली नाही.