मनोरंजन विश्वातून दुःखद बातमी समोर आली आहे. तमिळ चित्रपटसृष्टीतील ज्येष्ठ अभिनेत्री वत्सला राजगोपाल (Vatsala Rajagopal) यांचे वयाच्या ९३ व्या वर्षी निधन झाले आहे. तमिळ चित्रपटसृष्टीवर शोककळा पसरली. वत्सला राजगोपाल या प्रामुख्याने आजीच्या भूमिकांसाठी ओळखल्या जात होत्या. चित्रपट आणि दूरदर्शन मालिकांमध्ये आपल्या दमदार कामगिरीने त्यांनी प्रेक्षकांना आपलसे केले.

Filmibeat च्या वृत्तानुसार, अभिनेत्री वत्सला राजगोपाल यांचे ३० ऑक्टोबर रोजी चेन्नई येथे निधन झाले. वत्सला राजगोपाल यांचे वृद्धापकाळाशी संबंधित आजारांमुळे निधन झाले. अभिनेत्री वत्सला राजगोपाल यांच्या निधनाने त्यांच्या कुटुंबावर दुःखाचा डोंगर कोसळला आहे. तसेच त्यांच्या निधनाची बातमी समजताच कलाकार आणि चाहत्यांनी सोशल मीडियाच्या माध्यमातून त्यांना श्रद्धांजली वाहिली आहे.

वत्सला राजगोपाल यांनी वयाच्या ६० व्या वर्षी मणी रत्नम यांच्या 'रोजा' चित्रपटातून अभिनय क्षेत्रात पदार्पण केले. तिरुवनंतपुरममध्ये जन्मलेल्या आणि वाढलेल्या वत्सला यांना शालेय जीवनापासूनच नृत्य आणि नाटकाची आवड होती. लग्नानंतर १९५३ मध्ये त्या चेन्नईला स्थायिक झाल्या आणि त्यांनी 'अकाउंटंट जनरल'च्या कार्यालयात लिपिक म्हणून काम केले. 'रोजा', 'सती लीलावती', 'अन्नियन' आणि 'मोळी' यांसारख्या अनेक लोकप्रिय तमिळ चित्रपटांमध्ये त्यांनी काम केले.

वत्सला राजगोपाल यांनी अभिनय पदार्पणानंतर 400 हून अधिक चित्रपटांमध्ये काम केले आहे.'साथी लीलावती', 'रिदम', 'विनर', 'अन्नियां', 'पट्टियाल', 'धाम धूम', 'मोझी' आणि 'कल्याण समयाल साधम' या चित्रपटांचा समावेश आहे. छोट्या पडद्यावर 'चिठ्ठी', 'आनंदम', 'मुंधनई मुदिचू' आणि 'वसंतम' या मालिकेद्वारे ती अभिनेत्री म्हणून लोकप्रिय झाली.