M Saravanan Death : ज्येष्ठ अभिनेते धर्मेंद्र यांच्या निधनानंतर दक्षिण सिनेसृष्टीतून दु:खद घटना समोर आली आहे. निर्माते आणि एव्हीएम स्टुडिओचे मालक ए व्ही एम सरवनन यांचं गुरुवारी निधन झालं. त्यांनी वयाच्या ८६ व्या वर्षी जगाचा निरोप घेतला. त्यांनी चेन्नईत गुरुवारी अखेरचा श्वास घेतला. त्यांचे वडील एम व्ही मइयप्पन यांनी १९४५ साली ए व्ही एम स्टुडिओची स्थापना केली. तर एम सरवनन यांनी अनेक प्रसिद्ध सिनेमांचे निर्माते होते. यात 'शिवाजी द बॉस' या सिनेमाचाही समावेश आहे.

८६ वर्षीय एम सरवनन हे गेल्या अनेक दिवसांपासून अनेक आजारांशी सामना करत होते. एम सरवनन यांच्या कुटुंबातील सदस्यांनी त्यांच्या निधनाविषयी माहिती दिली. एम सरवनन यांचा एव्हीएम स्टुडिओ भरपूर जुना स्टुडिओ आहे.

निर्माता एम सरवनन यांनी त्यांच्या कार्यकाळात समसरम अधु मिनसरम, मिनसरा कनवु, वेट्टईकरन, आयन आणि नानुम ओरू पेन सारखे अनेक चित्रपटांची निर्मिती केली आहे. त्यांनी त्यांच्या कामाने अनेकांना प्रेरणा दिली आहे. २००७ साली प्रदर्शित झालेला 'शिवाजी द बॉस' हा सिनेमा त्यांच्या कार्यकाळातील सर्वात हिट सिनेमा मानला जातो. या सिनेमाने रजनीकांत यांनाही मोठ्या उंचीवर नेऊन पोहोचवलं.

'शिवाजी द बॉस' हा सिनेमा १८ वर्षांपूर्वी बाजारात आला होता. २००७ साली प्रदर्शित झालेल्या या सिनेमाची निर्मिती ही एम सरवनन यांनी एम एस गुहान यांच्या साथीने केली होती. तर या सिनेमाचं दिग्दर्शन एस शंकर यांनी केलं होतं.

रिपोर्टनुसार, 'शिवाजी द बॉस' हा सिनेमाचं बजेट ५०-६० कोटी रुपये इतकं होतं. तर या सिनेमाने १५० कोटी रुपयांची कमाई केली होती. रजनीकांतच्या या सिनेमाने बॉक्स ऑफिसवर धुमाकूळ घातला होता. 'शिवाजी द बॉस' या सिनेमात रजनीकांत यांच्यासोबत श्रिया सरन यांनी काम केलं.