मनोरंजनसृष्टीतून धक्कादायक बातमी समोर आली आहे. लोकप्रिय कपलचा घटस्फोट झाला आहे. टिव्ही अभिनेता वरुण कपूरने लग्नाच्या 12 वर्षांनी बायको धान्या मोहनसोबत घटस्फोट घेतला (Varun Kapoor And Dhanya Mohan Divorce) आहे. वरुण कपूर आणि धान्या मोहन विभक्त झाले आहेत. आजवर अभिनेत्याने अनेक सुपरहिट मालिकांमध्ये काम केले आहे. त्याच्या अभिनयाचे चाहते दिवाने आहेत.

मीडिया रिपोर्टनुसार, दोन आठवड्यांपूर्वी वरुण कपूर आणि धान्या मोहनच्या घटस्फोटाची प्रक्रिया पूर्ण झाली. वरुण कपूरने धान्या मोहनसोबत 2013 मध्ये लग्नगाठ बांधली. वरुण आणि धान्याचा घटस्फोट दोन आठवड्यांपूर्वी झाला आहे. मात्र अद्याप कोणतीही अधिकृत माहिती समोर आली नाही. "वरुण आणि धान्याला एकमेकांसाठी पुरेसा वेळ देता येत नव्हता. धान्या नेहमी प्रवास करत असते आणि मी शूटिंगमध्ये व्यस्त असतो. मला कधीतरी वाटते की मी सिंगल आहे. मी एकटा घर सांभाळायचो." अशी माहिती अभिनेत्याने एका मुलाखतीत दिली होती.

चित्रपटात काम

वरुण कपूरने संजय लीला भन्साळी यांच्या चित्रपटात काम केले आहे. वरुण कपूरने 'गंगूबाई काठियावाड़ी' चित्रपटात बॉलिवडूची अभिनेत्री आलिया भट्टसोबत ( Alia Bhatt) काम केले होते. त्याला या चित्रपटामुळे खूप लोकप्रियता मिळाली. 2022 मध्ये 'गंगूबाई काठियावाड़ी' (Gangubai Kathiawadi) चित्रपट रिलीज झाला. ज्यात वरुण कपूर छोट्या भूमिकेत झळकला. त्याने चित्रपटात आलिया भट्टच्या प्रियकराची भूमिका साकारली आहे. जो तिचे आयुष्य क्षणात बदलून टाकतो.

वरुण कपूर वर्कफ्रंट

वरुण कपूर टिव्ही विश्वातला प्रसिद्ध चेहरा आहे. त्याने 'स्वरागिनी', 'सावित्री देवी कॉलेज अँड हॉस्पिटल' या मालिकांमध्ये काम केले आहे.