Dashavatar Collection : दिलीप प्रभावळकर यांच्या 'दशावतार'चा बॉक्स ऑफिसवर धुरळा, लवकरच गाठणार 10 कोटींचा टप्पा

सुबोध खानोलकर दिग्दर्शित 'दशावतार' (Dashavatar) चित्रपटाची चर्चा सध्या सर्वत्र पाहायला मिळत आहे. प्रेक्षक ज्येष्ठ अभिनेते दिलीप प्रभावळकर (Dilip Prabhavalkar ) यांच्या अभिनयाचे कौतुक करत आहे. 'दशावतार' ही कोकणातील एक परंपरा आणि लोककला आहे. 'दशावतार' चित्रपट 12 सप्टेंबरला रिलीज झाला. आता हा चित्रपट प्रदर्शित होऊन एक आठवडा झाला आहे.

'दशावतार' चित्रपटाने त्याच्या सोबत रिलीज झालेल्या 'आरपार' आणि 'बिन लग्नाची गोष्ट' या दोन्ही चित्रपटांना मागे टाकले आहे. 'दशावतार' चित्रपटाचे कौतुक मराठी इंडस्ट्रीसोबत बॉलिवूडमधील कलाकारही करत आहे. 'दशावतार' चित्रपट आता लवकरच 10 कोटींचा टप्पा ओलांडणार आहे. चित्रपटाने पहिल्या दिवशी 58 लाख रुपयांची कमाई केली. मीडिया रिपोर्टनुसार, बुधवारी सहाव्या दिवशी 1.35 कोटी रुपये कमावले. चित्रपटाने आतापर्यंत 9.45 कोटींच्यावर कमाई केली आहे.

'दशावतार' बॉक्स ऑफिस कलेक्शन दिवस 6

• दिवस पहिला - 58 लाख रुपये

• दिवस दुसरा - 1.39 कोटी रुपये

• दिवस तिसरा - 2.4 कोटी रुपये

• दिवस चौथा - 1.01 कोटी रुपये

• दिवस पाचवा - 1.3 कोटी रुपये

• दिवस सहावा - 1.35 कोटी रुपये

'दशावतार' स्टार कास्ट

'दशावतार' चित्रपटात मुख्य भूमिकेत ज्येष्ठ अभिनेते दिलीप प्रभावळकर झळकले असून त्यांच्यासोबत महेश मांजरेकर, भरत जाधव, प्रियदर्शनी इंदलकर, सिद्धार्थ मेनन, अभिनय बेर्डे, आरती वडगबाळकर, रवी काळे, सुनील तावडे आणि विजय केंकरे या कलाकारांची देखील महत्त्वाची भूमिका आहे.