Urfi Javed Detained In Dubai: उर्फी जावेद तिच्या बोल्डनेसमुळे आणि अतरंगी फॅशनमुळे ओळखली जाते. उर्फीला खरी ओळख मिळाली ती 'बिग बॉस ओटीटी या शोमुळे. उर्फी सध्या दुबईमध्ये आहे. दुबईमध्ये गेल्यापासून उर्फी अनेक समस्यांना बळी पडत आहे. उर्फीला आता दुबई पोलिसांनी ताब्यात घेतले आहे. उत्तेजक कपडे घालून फिरणे दुबईमध्ये बेकायदेशीर आहे. परंतु उर्फीने नेमकं तसंच काहीसं केलं आहे. (Urfi Javed News)

उर्फी नुकतीच तिच्या आगामी प्रोजेक्टच्या शूटिंगसाठी दुबईला गेली आहे. एक आठवडा उलटून गेला तरी उर्फी अजून भारतात परतलेली नाही. उर्फी तिच्या दुबई ट्रिपमधील फोटो आणि व्हिडिओ तिच्या चाहत्यांसोबत शेअर करत असते. उर्फी दुबईमध्ये जाऊन हॉस्पिटलमध्ये अॅडमिट सुद्धा झाली होती. (Video)

माध्यमांना मिळालेल्या माहितीनुसार उर्फी रिव्हिलिंग ड्रेस घालून एक व्हिडिओ शूट करत होती. उर्फीचे हे शूटिंग ओपन एरियामध्ये सुरू होते. दुबईमध्ये अशा मोकळ्या जागी एक्सपोजिंग कपड्यांमध्ये शूटिंग करण्याची परवानगी नाही. त्यामुळे पोलिसांनी उर्फीला ताब्यात घेतले आहे. तसेच तिची चौकशी सुद्धा सुरू केली आहे.

उर्फीच्या आउटफिटमध्ये 'काही प्रॉब्लेम' नव्हता, असे एका अहवालात म्हटले आहे. मात्र उर्फीने हा व्हिडिओ मोकळ्या जागेत शूट केला होता, त्यामुळे दुबईतील अधिकाऱ्यांकडून तिची चौकशी करण्यात येत आहे. अहवालात असेही म्हटले आहे की UAE मधील स्थानिक अधिकारी उर्फीला भारतात जाण्याची परवानगी इतक्यात देणार नाहीत. (Dubai)

उर्फी जावेदला तिची दुबई ट्रिप फारच महागात पडली आहे. आजारपण आणि पोलिसांची चौकशी उर्फीच्या मागे लागली आहे. उर्फी ता या सगळ्यातून कधी बाहेर पडणार याचा अंदाज लावता येत नाहीये. परंतु उर्फीच्या या बातमीने तिचे चाहते चिंतेत आहेत.