मराठी चित्रपटसृष्टीत सध्या यशाची नवी लाट पाहायला मिळत आहे. 'राजा शिवाजी' आणि 'देऊळ बंद 2' यांच्या यशानंतर आता 'तुंबाडची मंजुळा' हा चित्रपट प्रेक्षकांची पहिली पसंत ठरतोय. ५ जून रोजी महाराष्ट्रात हा सिनेमा चित्रपटगृहात प्रदर्शित झाला. सई ताम्हणकर आणि जितेंद्र जोशी यांच्या प्रमुख भूमिका असलेल्या या चित्रपटाने आता ६ दिवसांत ६ कोटींचा टप्पा पार केला आहे.

तुंबाडची मंजुळा या एक हॉरर-कॉमेडी चित्रपटाने बॉक्स ऑफिसवर दमदार कामगिरी करत सर्वांचं लक्ष वेधलं. या चित्रपटाने सहा दिवसांमध्ये ५.५१ कोटी रुपयांचं नेट कलेक्शन आणि ६.६४ कोटी रुपयांचं ग्रॉस कलेक्शन केलं आहे. एकूण ६०७ शोमधून ५५ लाख रुपयांची कमाई यांनी केली आहे. पुढे आपण koimoi ने दिलेल्या माहितीनुसार सहा दिवसांची कमाई जाणून घेणार आहोत.

आतापर्यंतचे बॉक्स ऑफिस कलेक्शन

दिवस १ - ५४ लाख

दिवस २ - ९८ लाख

दिवस ३ – १.७३ कोटी

दिवस ४ – ७० लाख

दिवस ५ – ७२ लाख

दिवस ६ – ६० लाख

चित्रपटाला मिळणारा प्रतिसाद लक्षात घेऊन प्रदर्शनाच्या शोमध्येही मोठी वाढ करण्यात आली आहे. पहिल्या दिवशी राज्यभरात ३९१ शो आयोजित केले होते. रविवारी ही संख्या ५०० पर्यंत पोहोचली, तर सोमवारी तब्बल ६०० पेक्षा जास्त शो दाखवण्यात आले. सातव्या दिवशीही ६०७ शोमध्ये चित्रपट प्रदर्शित करण्यात आला. मुळात तुंबाडची मंजुळा हा चित्रपट ६ कोटी रुपयांच्या बजेटमध्ये तयार करण्यात आला आहे. तर या चित्रपटात सई ताम्हणकर, जितेंद्र जोशी, ओम भुतकर, मकरंद अनासपुरे आणि उमेश जगताप यांच्या महत्वाच्या भूमिका आहेत.