प्रभासच्या बहुप्रतिक्षित चित्रपट 'द राजा साब' रिलीज झाला आहे. चित्रपट सुरुवातीपासून बक्कळ कमाई करताना दिसत आहे. 'द राजा साब' चित्रपट 9 जानेवारी 2026 ला रिलीज झाला आहे. चित्रपटातील प्रभासचा हटके अंदाज चाहत्यांना आवडला आहे. रिलीज आधीच चित्रपटाने बंपर कमाई केली आहे. चित्रपटाचे एकूण कलेक्शन जाणून घेऊयात.

'द राजा साब' बॉक्स ऑफिस कलेक्शन

Sacnilk च्या रिपोर्टनुसार, प्रभासच्या 'द राजा साब' चित्रपटाने पहिल्या दिवशी तब्बल 45 कोटी रुपयांची कमाई केली आहे. तर चित्रपटाने पेड प्रिव्ह्यूमधून चित्रपटाने गुरुवारी 9.15 कोटी रुपये कमावले. त्यामुळे चित्रपटाचे एकूण कलेक्शन 54.15 कोटी झाले आहे.

भाषेनुसार कमाई किती?

'द राजा साब'ने पहिल्या दिवशी तेलगू भाषेत चांगली कमाई केली. तेलगू भाषेतील प्रेक्षकसंख्या एकूण 57.16 % इतकी मजबूत होती. सकाळचे शो 50.92 %, दुपारचे शो 50.82%, संध्याकाळचे शो 57.70 % आणि रात्रीचे शो 69.20 %पर्यंत पोहोचले. हिंदी भाषेतील कलेक्शन तुलनेने कमी होते, ज्यात एकूण प्रेक्षकसंख्या 15.63 % होती. सकाळचे शो 7.47% इतके कमी होते, परंतु रात्रीच्या शोपर्यंत त्यात हळूहळू सुधारणा होऊन ते 21.34 % पर्यंत पोहोचले. तमिळ भाषेतील प्रेक्षकसंख्या समाधानकारक होती, एकूण 22.61 %, आणि रात्रीचे शो सुमारे 28 % पर्यंत पोहोचले.

प्रभासच्या 'द राजा साब' चित्रपटात संजय दत्त, बोमन इराणी, मालविका मोहनन, रिद्धी कुमार, योगी बाबू, निधी अग्रवाल आणि ब्रह्मानंदम हे कलाकार झळकले आहेत. हा हॉरर ,कॉमेडी चित्रपट आहे. 'द राजा साब'चे दिग्दर्शन मारुतीने केले आहे. प्रभासच्या अभिनयाचे सर्वत्र कौतुक होत आहे. चित्रपटातील गाणी सोशल मीडियावर ट्रेंड करताना दिसत आहेत.