स्नेहील झनके, साम टिव्ही

मुंबई : अभिनेत्री शेफाली जरीवालाच्या मृत्यूनं तिचे चाहते आणि सिनेसृष्टीवर दुखाचा डोंगर कोसळला. परंतू आता तिच्या मृत्यूच्या ३ दिवसांनंतर शेफालीच्या मृत्यूचं खरं कारण तुम्हाला सुन्न करणारेय. काही सवयी आणि फार गंभीर नसणारे आजारही मृत्यूचं कारण ठरु शकतात हेच पुन्हा पाहायला मिळालंय. शेफालीचा मृत्यू झाला त्यादिवशी शेवटच्या 24 तासात तिच्यासोबत काय घडलं यासंदर्भात पोलिसांनी काय खुलासा केला पाहा.

शेफालीच्या मृत्यूचं गूढ उकललं

शेफालीच्या घरी आदल्यादिवशी पूजा

शेफालीनं ठेवला होता उपवास

फ्रिजमधील शिळं अन्न शेफालीनं खाल्लं

त्यानंतर ती खाली कोसळली, तिचा बीपी लो झाला

बेशुद्धावस्थेत रुग्णालयात नेण्यापुर्वी शेफालीचा मृत्यू

शेफालीच्या मृत्यूनंतर तपासात पोलिसांना तिच्या घरातून २ डब्बे औषधं देखील मिळाली. तिच्या घरात 'व्हिटॅमिन सी' आणि 'ग्लुथाथिओन' ही औषध सापडली होती. मागील काही दिवसापासून सुंदर दिसण्यासाठी तसेच तरुण दिसण्यासाठी उपचार घेत होती. तिच्या घरात पुजा असल्यानं तिनं उपवास ठेवला होता. तसंच शिळं अन्न देखिल खाल्याचं समोर आलंय. त्यानंतरच तिची प्रकृती बिघडली आणि तिचा मृत्यू झाला.

शेफालीच्या मृत्यूनंतर प्राथमिक तपासात झालेला खुलासा हा धक्कादायक आहे. भर तारुण्यात शेफालीचा मृत्यूनं सिनेसृष्टीचं नुकसान झालंय. आवडीनं शिळं अन्न खाणाऱ्या आणि शरीर साथ देत नसेल तरी उपवास करणाऱ्या प्रत्येकाच्या डोळ्यात अंजन घालणारी ही घटना आहे. त्यामुळे सुंदर दिसण्याबरोबरच शरीराची काळजी घेणं आणि सुदृढ राहणं देखिल तितकंच महत्वाचंय.