The Conjuring Last Rites: या शुक्रवारी भारतीय बॉक्स ऑफिसवर प्रदर्शित झालेल्या 'द कॉन्ज्युरिंग - लास्ट राइट्स' या चित्रपटाला थिएटरमध्ये खूप चांगला प्रतिसाद मिळत आहे. हा हॉलिवूड चित्रपट बॉलिवूडच्या दोन प्रसिद्ध चित्रपटांशी स्पर्धा करत आहे. पहिला बागी-४ आणि दुसरा द बंगाल फाइल्स. परंतु कमाईच्या बाबतीत या चित्रपटाने दोघांना मागे टाकले आहे, 'द कॉन्ज्युरिंग'च्या पहिल्या दिवसाचं कलेक्शन १७ कोटी ५ लाख रुपये होता. शनिवारी चित्रपटाची कमाई वाढली आणि हा आकडा १७ कोटी ५० लाख रुपयांवर पोहोचला.

आतापर्यंत किती कमाई झाली आहे

रिलीज झाल्यानंतर पहिल्या २ दिवसांत या चित्रपटाने भारतीय बॉक्स ऑफिसवर ३५ कोटी रुपये कमावले आहेत. हिंदीसोबतच तो भारतात इंग्रजी, तमिळ आणि तेलुगू भाषेतही प्रदर्शित झाला आहे. सॅकनिल्कने त्यांच्या अहवालात म्हटले आहे की 'द कॉन्ज्युरिंग' ला इंग्रजीमधून सर्वात जास्त प्रतिसाद मिळत आहे. पहिल्या दिवशी, त्याने फक्त इंग्रजी आवृत्तीतून १० कोटी रुपये कमावले. दुसरीकडे, चित्रपटाला तेलुगूमधून सर्वात कमकुवत प्रतिसाद मिळाला आहे.

'द कॉन्ज्युरिंग' युनिव्हर्स

तेलगूतून चित्रपटाची पहिल्या दिवसाची कमाई फक्त ४ लाख रुपये होती. २डी व्यतिरिक्त, हा चित्रपट ३डी आणि आयमॅक्स आवृत्तीमध्ये देखील प्रदर्शित झाला आहे. मिशेल चावेज दिग्दर्शित हा चित्रपट 'द कॉन्ज्युरिंग' युनिव्हर्सचा शेवटचा भाग असल्याचे म्हटले जात आहे.

एकूणच, हा २ तास १५ मिनिटांचा चित्रपट तुम्हाला इतका घाबरवेल की तुम्हाला काही दिवस अंधारात जाण्याचीही भीती वाटेल. जर तुम्ही हा चित्रपट पाहण्यासाठी जाण्याचा विचार करत असाल तर प्रथम तुम्ही 'द कॉन्ज्युरिंग - द डेव्हिल मेड मी डू इट' पहावे.