बॉलिवूडमध्ये सध्या एका नवीन जोडीची चर्चा पाहायला मिळत आहे. वीर पहाडियासोबत ब्रेकअपनंतर तारा सुतारिया बॉलिवूडच्या हँडसम हंकला डेट करत असल्याची चर्चा सोशल मीडियावर चांगलीच रंगली आहे. हा बॉलिवूड अभिनेता दुसरा-तिसरा कोणी नसून आदित्य रॉय कपूर आहे.

फिल्मफेअरच्या वृत्तानुसार, तारा सुतारिया आणि आदित्य रॉय कपूर एकमेकांना डेट करत आहेत. अलिकडेच हे जोडपे बॉलिवूडच्या विविध पार्ट्यांमध्ये एकत्र दिसले, तेव्हापासून यांच्या विषयी सोशल मिडियावर चांगल्या चर्चा रंगल्या आहेत. चाहत्यांना या दोघांची केमिस्ट्री खूप आवडली. मात्र अद्याप दोघांकडून कोणतीही अधिकृत घोषणा झाली नाही. सध्या हे जोडपे एकत्र खूप चांगला वेळ घालवत आहे आणि त्यांच्या जवळच्या लोकांनी त्यांच्यातील घट्ट नात्याचे संकेत दिले आहेत.

तारा नुकतीच मुंबईतील तिच्या नवीन घरात राहायला गेली आहे. तारा सुतारिया आता लवकरच यशच्या टॉक्सिक चित्रपटातून प्रेक्षकांच्या भेटीला येणार आहे. आदित्य रॉय कपूर 2025 च्या शेवटी 'मेट्रो इन दिनो' या चित्रपटात झळकला. या चित्रपटात तो सारा अली खानसोबत मुख्य भूमिकेत दिसला.

तारा वीरचा ब्रेकअप

मीडिया रिपोर्टनुसार, तारा सुतारिया आणि वीर पहाडिया यांचा ब्रेकअप झाले आहे. २०२६ च्या सुरुवातीला झालेल्या एपी ढिल्लन कॉन्सर्टच्या वादानंतर लगेचच त्यांचे नाते तुटल्याचे दिसले. जरी दोघांनी त्यांच्या विभक्त होण्याबद्दल कोणतेही अधिकृत विधान केले नसले तरी, सोशल मीडियावर त्यांच्या ब्रेकअपची चर्चा पाहायला मिळत आहे.