Famous Actress Divorce : प्रसिद्ध बॉलिवूड अभिनेत्रीचा संसार मोडला; लग्नाच्या ५ वर्षांनी घटस्फोट, २ मुलांच्या आईच्या आयुष्यात वादळ

‘हिंदुस्तान टाइम्स’शी बोलताना एव्हलिनने तिच्या घटस्फोटाच्या वृत्ताला दुजोरा दिला. तिने सांगितले की, "हो, आम्ही दोघांनी वेगळे होण्याचा निर्णय घेतला आहे. पण आम्ही आमच्या मुलांना एकत्र वाढवू. आम्ही विनंती करतो की आमच्या प्रायव्हसीचा आदर करावा. तुषान आणि मी परस्पर संमतीने वेगळे होत आहोत. त्यामुळे आमच्यात कोणताही वाद नाही. आम्ही आता आयुष्यभराच्या मैत्रीचा आणि सह-पालकत्वाचा एक नवीन अध्याय सुरू करत आहोत..."

लग्नानंतर एव्हलिन गेल्या काही वर्षांपासून ऑस्ट्रेलियामध्ये राहते. ती सोशल मीडियावर खूप सक्रिय असते. आपल्या मुलांसोबतच सुंदर फोटो शेअर करते. एव्हलिन आणि तुषान भिंडी यांनी 2019 मध्ये साखरपुडा केला होता. अवा रानिया भिंडी आणि आर्डन भिंडी असे त्यांच्या मुलांची नावे आहेत.

एव्हलिन शर्माचे करिअर

एव्हलिन शर्माने अनेक चित्रपटांमध्ये काम केले आहे. यात 'ये जवानी है दिवानी', 'मैं तेरा हीरो', 'यारियां', 'साहो', 'नौटंकी साला', 'जब हॅरी मेट सेजल' आणि 'हिंदी मीडियम' या सिनेमांचा समावेश आहे. एव्हलिनने २०१२ मध्ये रिलीज झालेल्या 'फ्रॉम सिडनी विथ लव्ह' या चित्रपटातून बॉलिवूडमध्ये पदार्पण केले. अभिनेत्री शेवटची 'साहो' या चित्रपटात दिसली.