Famous Actor Wedding : प्रसिद्ध अभिनेत्याने गुपचूप उरकला साखरपुडा; लग्नाची तारीख सांगत होणाऱ्या बायकोसोबतचा रोमँटिक फोटो शेअर

मराठी मनोरंजन विश्वातून एक आनंदाची बातमी समोर आली आहे. प्रसिद्ध अभिनेत्याने गुपचूप साखरपुडा उरकला आहे. बायकोसोबत रोमँटिक फोटो शेअर करून त्याने लग्नाची तारीख जाहीर करत ही आनंदाची बातमी शेअर केली आहे. हा अभिनेता दुसरा-तिसरा कोणी नसून हँडसम हंक भूषण प्रधान आहे. भूषण प्रधान कायम त्याच्या वैयक्तिक आयुष्यामुळे चांगला चर्चेत असतो.

भूषण प्रधानने नुकतीच एक पोस्ट शेअर केली आहे. ज्याने सर्वांचे लक्ष वेधून घेतले आहे. फोटोमध्ये भूषण प्रधान आपल्या होणाऱ्या बायकोसोबत रोमँटिक पोज देताना दिसत आहे. दोघांच्याही हातात साखरपुड्याची अंगठी दिसत आहे. त्यांनी या पोस्टवर एक तारीख देखील लिहिलं आहे. अभिनेत्याने पोस्टमध्ये लिहिलं की, "२४ जुलै २०२६ ही तारीख लक्षात ठेवा आणि आमच्या नव्या सुरुवातीचे साक्षीदार व्हा!" यामुळे आता अभिनेता भूषण प्रधान लवकरच लग्न बंधनात अडकणार असल्याची चर्चा रंगली आहे.

फोटोमध्ये भूषण प्रधानने एका तरुणीला मिठी मारलेली दिसत आहे. फोटोत तरूणीची पाठ दिसतेय, तर भूषणचा चेहरा दिसतोय. या पोस्टवर चाहते आणि कलाकार मंडळी कमेंट्स करताना दिसत आहे. तसेच अभिनेत्याला शुभेच्छा देताना दिसत आहे. अभिनेत्री अमृता खानविलकरने देखील या पोस्टवर कमेंट केली आहे. कलाकार अभिनंदनाचे मेसेज करत आहेत. आता चाहते फोटोमधली मिस्ट्री गर्ल कोण? हे जाणून घेण्यासाठी उत्सुक आहेत. तर काहींना ही पोस्ट म्हणजे भूषण प्रधानच्या आगामी चित्रपटाची हिंट वाटत आहे. त्यामुळे भूषण प्रधान खरंच लग्न करणार की, हे नवीन प्रोजेक्टच्या प्रमोशनचा हा भाग आहे, याबाबत अद्याप कोणतीही माहिती समोर आली नाही.

भूषण प्रधान वर्कफ्रंट

भूषण प्रधानने एनेक सुपरहिट चित्रपटांमध्ये काम केले आहे. यात घरत गणपती, कॉफी आणि बरंच काही, जुनं फर्निचर, टाईमपास, सतरंगी रे, मिस मॅच यासांरख्या चित्रपटांचा समावेश आहे. आता चाहते भूषण प्रधानच्या आगामी चित्रपटाची उत्सुकतेने वाट पाहत आहेत.