बॉलिवूड इंडस्ट्रीतून एक दु:खद बातमी समोर येत आहे. प्रसिद्ध हिंदी टेलिव्हिजन अभिनेत्री आणि बॉलिवूड अभिनेत्री दिव्या शेठ शाह हिच्यावर दु:खाचा डोंगर कोसळला आहे. अभिनेत्रीची मुलगी मिहिका शाह हिचे निधन झाले आहे. मिहिकाच्या निधनाचे वृत्त तिच्या आईनेच अर्थात अभिनेत्री दिव्या सेठ शाहने फेसबूकच्या माध्यमातून दिलेले आहे.

अभिनेत्रीच्या जवळच्या सुत्रांनी दिलेल्या माहितीनुसार, मिहिकाचे अचानक निधन झालेले आहे. ५ ऑगस्टला तिला ताप आला आणि त्यानंतर तिला हृदयविकाराचा झटका आला. त्यातच मिहिकाचे निधन झाले. मिहिकाच्या निधनामुळे शाह कुटुंबीयांवर दुखाचा डोंगर कोसळला आहे. फार कमी वयातच मिहिकाचे निधन झाल्यामुळे शाह कुटुंबीय चिंतेत आहे. ८ ऑगस्ट रोजी मिहिकच्या शोकसभेचं आयोजन करण्यात आले आहे. याबद्दलची माहिती तिची आई दिव्या शेठ शाहने स्वत: सोशल मीडियावर पोस्ट शेअर करत माहिती दिली आहे.

दिव्या शेठ शाह बॉलिवूडच्या प्रसिद्ध अभिनेत्रींपैकी एक आहे. तर तिची आई सुषमा शेठ सुद्धा बॉलिवूडमधील प्रसिद्ध अभिनेत्रींपैकी एक आहे. दिव्याने आपल्या फिल्मी करियरची सुरूवात शाहरूख खानच्या चित्रपटापासून केली आहे. दिव्या किंग खानला आपला अभिनय क्षेत्रातला गुरू मानते. शाहरूखने आणि सुषमा सिंगने 'कभी खुशी कभी गम' चित्रपटात एकत्र काम केले आहे. शाहरूख आणि सुषमा दोघेही चांगले मित्रही आहेत. अनेक चित्रपटांच्या प्रीमियरला त्यांनी एकत्र फोटोही काढले आहेत. किंग खानने आणि दिव्याने दोघांनीही NSD मध्ये एकत्र काम केले आहे.