बॉलिवूडची लोकप्रिय अभिनेत्री श्रद्धा कपूर (Shraddha Kapoor)आणि अभिनेता राजकुमार राव यांचा स्त्री २ हा चित्रपट बॉक्स ऑफिसवर धूमाकूळ घालताना दिसतोय. स्त्री २ (Stree 2) चित्रपटगृहामध्ये १५ ऑगस्ट रोजी प्रदर्शित करण्यात आला होता. पहिल्या दिवसापासूनच चित्रपटाने प्रेक्षकांचे मन जिंकल्याचे चित्र पाहायला मिळत आहे. चित्रपट सिनेमागृहामध्ये प्रदर्शित होताच सुपरहिट चित्रपटाच्या यादीमध्ये पोहोचलाय. पहिल्या दोन ते तीन दिवसांमध्ये स्त्री २ या चित्रपटाने १०० कोटींचा टप्पा गाठत चित्रपटसृष्टीमध्ये नवा विक्रम केल्याचं पाहायला मिळतंय.

प्रेक्षकांना स्त्री २ ची अनेक दिवसांपासून उत्सुकता होती त्या प्रतिक्षेला विरामचिन्ह देत १५ ऑगस्ट रोजी स्त्री २ प्रेक्षकाच्या भेटीला आला. चित्रपटानं पहिल्याचं दिवशी 60.3 कोटींहून अधिक कलेक्शन करत नवा इतिहास रचलाय. श्रद्धाचा स्री २ हा चित्रपट तिसरा सर्वाधीक कमाई करणारा बॉलिवूड चित्रपट ठरलाय. स्री २ हा चित्रपट २०२४चा बेस्ट हॉरर कॉमेडी चित्रपट ठरण्याची शक्यता आहे.

स्त्री २ चित्रपटाच्या चौथ्या दिवसापर्यंतची कमाई २२७ कोटींपर्यंत झाली आहे. प्रेक्षकांमध्ये स्री २ ला घेऊन भरपूर क्रेझ पाहायला मिळत आहे. चित्रपटामधील श्रद्धा आणि राजकुमार राव (Rajkumar Rao) यांची जोडी प्रेक्षकांना प्रचंड आवडत आहे. स्त्री २ बॉलिवूडचा दुसरा असा चित्रपट आहे, ज्याने २०० कोटींचा आकडा पहिल्याचं आठवड्यात पार केलाय. स्त्री २ चित्रपटाने अक्षय कुमारच्या ''खेल खेल मै'' आणि जॉनचा ''वेदा'' या चित्रपटांना देखील मागे सोडलं आहे.

स्त्री २ चित्रपटापटामध्ये आपल्याला श्रद्धा कपूर, राजकुमार राव , पंकज त्रिपाठी (Pankaj Tripathi), अपारक्शित खुराना आणि अभिषेक बॅनर्जी मुख्य भूमिका साकारताना दिसणार आहे. सर्व कलाकारांच्या अ‍ॅक्टिंमुळे आणि त्यांच्या अभिनयामुळे प्रेक्षकांना चित्रपट पाहायला खूप मज्जा येत असल्याचे कळत आहे.

Edited By: Nirmiti Rasal