प्रेक्षकांसाठी आनंदाची बातमी समोर आली आहे. स्टार प्रवाह वाहिनीवर एक नवीकोरी मालिका सुरू होत आहे. नुकतीच स्टार प्रवाह वाहिनीवर ऐश्वर्या नारकर यांची 'आमच्या लाडक्या नाईक बाई' मालिका सुरू झाली आहे. अशात आता आणखी एका नव्या मालिकेचा प्रोमो समोर आला आहे. या मालिकेतून आपल्याला चमत्कारिक, गूढ आणि रहस्यमय कथा पाहायला मिळणार आहे.

नवीन मालिका

स्टार प्रवाह वाहिनीवर सुरू होणाऱ्या नवीन मालिकेचे नाव 'मी कात टाकली' असे आहे. नागपंचमी सणाचे औचित्य साधून 'मी कात टाकली' मालिकेच्या शूटिंगला सुरुवात झाली आहे. मालिकेच्या प्रोमो व्हिडीओत भर पावसात जंगलातून एक नागिन सरपटत जाताना दिसत आहे. तर दुसऱ्या एका पोस्टमध्ये मालिकेच्या मुख्य अभिनेत्री आणि अभिनेता मुहू्र्ताची पाटी घेऊन उभे दिसत आहे, मात्र त्यांचे चेहरे अद्याप गुलदस्त्यात ठेवले आहे. मालिकेचा प्रोमो पाहता मालिका नाग विश्वावर आधारित असल्याचे बोले जात आहे.

सोशल मीडियावर एकच चर्चा रंगली आहे की, नागराज आणि नागराणीच्या रुपात कोण कोणते कलाकार झळकणार. मालिकेची रिलीज डेट आणि तारीख उद्याप स्पष्ट झालेली नाही. तसेच मुख्य कलाकार आणि इतर कलाकारांची नावेही समोर आलेली नाही. मात्र प्रेक्षक या नव्याकोऱ्या मालिकेसाठी खूपच उत्सुक आहे.

एकीकडे नवीन मालिका येत असताना आता अजून कोणती मालिका प्रेक्षकांचा निरोप घेणार ही चर्चा देखील इंटरनेटवर पाहायला मिळत आहे. अलिकडेच अभिनेत्री समृद्धी केळकरची 'हळद रुसली कुंकू हसलं' या मालिकेने प्रेक्षकांचा निरोप घेतला. या मालिकेच्या पाठोपाठ मराठी अभिनेत्री पूजा बिरारीची 'येड लागलं प्रेमाचं' ही मालिकाही संपली.