साऊथ अभिनेत्री रश्मिका मंदाना (Rashmika Mandanna ) सध्या 'सिकंदर' (Sikandar ) चित्रपटामुळे चांगलीच चर्चेत आहे. ती पहिल्यांदा भाईजान सलमान खानसोबत काम करत आहे. नुकताच 'सिकंदर' चित्रपटाचा ट्रेलर लाँच सोहळा पार पडला आहे. 'सिकंदर'चा ट्रेलर पाहून चाहते चित्रपट पाहण्यासाठी खूपच आतुर झाले आहेत. ट्रेलर लाँचला सलमान खानसोबत रश्मिका मंदाना देखील उपस्थित होती.

ट्रेलर लाँच दरम्यानचा रश्मिका मंदानाचा एक व्हिडीओ सोशल मीडियावर तुफान व्हायरल होत आहे. 'सिकंदर' चित्रपटाचा ट्रेलर लाँच सोहळा काल (23 मार्च)ला मुंबईत पार पडला. या सोहळ्याला अनेक कलाकारांनी आणि चाहत्यांनी हजेरी लावली होती. ट्रेलर लाँच दरम्यान रश्मिका मंदाना स्टेजवर चढतानाचा तिचा एक व्हिडीओ सोशल मीडियावर व्हायरल होत आहे.

व्हायरल होणाऱ्या व्हिडीओमध्ये रश्मिका मंदाना स्टेजवर चढताना पडता पडता वाचताना दिसत आहे. रश्मिकाने ट्रेलर लाँच सोहळ्याला एक खास लूक केला होता. तिने काळ्या रंगाचा शर्ट आणि स्कर्ट परिधान केला होता. रश्मिका या लूकमध्ये खूपच स्टायलिश दिसत होती. मात्र या ड्रेसमुळे पडता पडता वाचली.

स्टेजवर चढताना रश्मिकाचा ड्रेस पायामध्ये येतो त्यामुळे ती अडखळते आणि पडता पडता वाचते. तेव्हा रश्मिका स्वतःला पटकन सावरते. तर तिच्या मदतीला एक हात पुढे येतो. त्यानंतर रश्मिका थोडी थांबते आणि मग स्टेजवर येते. 'सिकंदर' चित्रपटाच्या ट्रेलर लाँचनंतर आता चित्रपट ॲडवान्स बुकिंगमध्ये किती कोटींचा व्यवसाय करतो हे पाहणे मनोरंजक ठरणार आहे.

'सिकंदर' मध्ये सलमान (Salman Khan), रश्मिकासोबतच काजल अग्रवाल, शर्मन जोशी, प्रतीक बब्बर आणि 'बाहुबली' चित्रपटातील कटप्पा म्हणजे अभिनेता सत्यराज हे कलाकार पाहायला मिळणार आहेत. 'सिकंदर' 30 मार्चला गुढीपाडव्याला रिलीज होणार आहे. तर सोमवारी 31 मार्चला ईद साजरी केली जाणार आहे.