Jawan Film Nayantara: सध्या शाहरुख खान आपल्या आगामी चित्रपटांमुळे बराच चर्चेत आहे. शाहरुखचे या वर्षात तीन चित्रपट प्रदर्शित होत आहे. लवकरच त्याचा ‘जवान’ चित्रपट प्रदर्शित होत आहे. ‘जवान’ चित्रपटात शाहरुखसोबत दाक्षिणात्य चित्रपटसृष्टीतील लेडी सुपरस्टार नयनतारा सुद्धा दिसणार आहे. या चित्रपटासाठी शाहरुख सोबतच नयनताराने देखील विशेष मेहनत घेतली आहे. नयनतारा शाहरुखच्या ‘जवान’ चित्रपटासाठी तब्बल १६ वर्षानंतर स्वतःने घातलेली अट मोडीत काढणार आहे.

व्ही सिनेमाला मिळालेल्या माहितीनुसार, नयनतारा या चित्रपटासाठी एक स्विमिंग सूट परिधान करणार आहे. या परिधान केलेल्या सूटमध्ये ती अनेक वर्षानंतर दिसणार आहे. अभिनेत्रीने करियरच्या सुरवातीच्या काळामध्ये बिकिनी परिधान केली होती. २००७ साली तिने एका दाक्षिणात्य चित्रपटात स्विम सूट परिधान केला होता. मात्र स्वतःच तिने घातलेली ‘नो बिकिनी’ ही अट ती आता शाहरुखसाठी तोडणार असल्याची सर्वत्र चर्चा आहे.

‘पठान’मध्ये दीपिकाच्या भगव्या बिकिनीने चांगलाच वाद निर्माण झाला होता. इतका वाद पेटला असला तरी, चित्रपटाने बॉक्स ऑफिसवर दमदार कमाई केली. शाहरुखने तब्बल चार वर्षांच्या मोठ्या ब्रेकनंतर रुपेरी पडद्यावर कमबॅक केले. शाहरुखचा ‘पठान’ नंतर ‘जवान’ हा दुसरा बिग बजेट चित्रपट असणार आहे. ‘जवान’ चित्रपटाचे दिग्दर्शन साऊथचे प्रसिद्ध दिग्दर्शक एटली हे करत आहेत.

चित्रपटात शाहरुख आणि नयनतारा बरोबर अभिनेता विजय सेतुपतीदेखील प्रमूख भूमिकेत दिसणार आहे. हा चित्रपट ऑक्टोबरमध्ये प्रदर्शित होणार असल्याची चर्चा सध्या होत आहे. या चित्रपटातील शाहरुखच्या फर्स्ट लूकचे सर्वांनीच तोंड भरून कौतुक केले.