साऊथ सुपरस्टार विजय सेतुपतीचा (Vijay Sethupathi) आज (16 जानेवारी)ला वाढदिवस आहे. आज अभिनेता 47 वर्षांचा झाला आहे. त्याने साऊथ आणि बॉलिवूड इंडस्ट्री गाजवली आहे. विजय सेतुपती हा प्रसिद्ध अभिनेता आणि उत्तम चित्रपट निर्माता आहे.विजय सेतुपती इंडस्ट्रीत डाउन टू अर्थ स्वभावासाठी ओळखला जातो. विजय सेतुपतीला अनेक मोठ्या पुरस्कारांनी सन्मानित करण्यात आले आहे.

करिअरची सुरूवात

विजय सेतुपतीला लहानपणापासून अभिनयाची आवड होती. त्याला रुपामुळे अनेक मोठ्या कामाच्या संधी मिळाल्या नाहीत. सुरुवातीच्या काळात विजय सेतुपतीने एका रिटेल स्टोअरमध्ये सेल्समनची नोकरी केली आहे. त्यानंतर त्याने फोन बूथ ऑपरेटर म्हणून देखील काम केले. 2010मध्ये रिलीज झालेल्या 'थेनमुर्क परुवाकाटरू' या चित्रपटातून विजय सेतुपतीला लोकप्रियता मिळाली.

विजय सेतुपती नेटवर्थ

मीडिया रिपोर्टनुसार, साऊथ अभिनेता विजय सेतुपती एकूण 140 कोटींचा मालक (Net Worth) आहे. त्याचे 'विजय सेतुपती प्रोडक्शन' हाऊस आहे. तसेच त्याच्याकडे लग्जरी कार आहेत. विजय सेतुपतीचा चेन्नईमध्ये स्वतःचा बंगला आहे. ज्याची किंमत 50 कोटी रुपये आहे.त्याच्याकडे बीएमडब्ल्यू ही आलिशान कार आहे. ज्याच्या किंमत कोटींच्या घरात आहे. विजय सेतुपती एका चित्रपटासाठी 15 कोटी रुपये घेतो.

वैयक्तिक आयुष्य

अभिनेता विजय सेतुपती याने 2003मध्ये जेस्सीसोबत लग्नगाठ बांधली. यांना दोनं मुलं आहेत. ज्यांची नावे श्रीजा आणि सूर्या अशी आहेत. त्याचे पिज्जा, विक्रम वेधा हे चित्रपट खूप गाजले आहेत. त्याच्या आगामी प्रोजेक्टसाठी चाहते वाट पाहत आहे.